irailean gaude eta horrekin klasiko bat itzultzen da gasteiztar askorentzat, hau da, hiriko udalak hasi berri den ikasturterako diseinatu duen jarduera-programa goitik behera kontsultatu. Izan ere, koadernotxoa gero eta potoloagoa da. Bertan, publiko guztientzako jarduerak aurki ditzakegu, hainbat bloketan banatuta: kirola, kultura, artea, gizarte-sustapena, osasuna, ludotekak, hizkuntza-klub, esate baterako. Eta gimnasia, aquagim, edo dantza ohiko proposamenetatik berritzaileenak diren besteetara, Pop-up teknika bezala adibidez. Guztira 37.000 plaza baino gehiago, 541 jardueratan banatuta. Eskaintza oso zabala da eta zailena aukeratzea da, baina batez ere ordutegiak eguneroko betebeharrekin egokitzeko gai izatea. Lanak, familiak eta hainbat konpromisok askotan eragozten digute errutinatik haratago ikustea, eta ahaztu egiten zaigu zein garrantzitsua den gure osasunerako gure zaletasunak lantzen edo ariketa fisiko batzuk egiten denbora ematea. Zalantzarik gabe, luxua da eskaintza hori edukitzea, etxetik pauso batera eta arrazoizko prezioan. Horregatik, ez dago aitzakiarik hura alferrik galtzeko eta, jakina, gure ongizatea alde batera uzteko. Eta, ziur aski, asko zaretenez zozketan izena eman duzuenak (bihar da azken eguna), zorte handia opa dizuet.
