Luis Aramburu Udal Musika Eskolak bi berrikuntza plazaratu ditu 2025-2026 ikasturte honetarako. Haietako bat espezialitate instrumental aitzindaria izango da, Musika Elektronikoa, eta bestea, aldiz, Irakurketa Topaketa ekimena.
Musika Elektronikoa prestakuntza-eskaintzan sartzea ahalbidetu du Musika eta Dantza Eskolen Dekretu berriak (2024). Dekretu horrek, lehen aldiz, “Zuzeneko Interpretazio Elektronikoa” espezialitatea jaso du. Horrela, Luis Aramburu prestakuntza hori ezarriko duen lehen zentroetako bat izango da, musika-hezkuntzan erreferente gisa duen rol historikoa berretsiz.
Irakaskuntza berri hori musikagintzan hasiberriak diren gazteei zein beste musika-tresna batzuetan prestakuntza duten eta ekoizpen elektronikoaren aukerak aztertu nahi dituzten musikariei zuzenduta dago
Diziplina berri honetan ikasketak hasten dituztenek egungo musikaren arloan gaitasun praktikoak eta sortzaileak eskuratzeko aukera izango dute. Ikasketa-planaren ardatza ikasleei beren oinarri elektronikoak sortzen eta musika hori interpretatzen erakustea izango da. Horretarako, tresna digital ugari erabiliko dituzte: sintetizadoreak, sampler-ak, kontrolagailuak eta software espezializatua, besteak beste.
Irakaskuntza berri hori musikagintzan hasiberriak diren gazteei zein beste musika-tresna batzuetan prestakuntza duten eta ekoizpen elektronikoaren aukerak aztertu nahi dituzten musikariei zuzenduta dago.
Irakurketa Topaketa berria
Bestalde, Udal Musika Eskolak ikasturte honetako berrikuntza gisa Irakurketa Topaketa izenekoa aurkeztu du literatura eta musika zaleentzat. Koruko Heras Eskolako piano-irakasle eta literaturazaleak koordinatuko du saioa, eta saioak aurkezteaz eta dinamizatzeaz arduratuko da.
Proposamen honetarako hautatutako liburuak musika-gaien ingurukoak dira, eta arreta bereziz aukeratu dira gogoeta, elkarrizketa eta irakurketaz elkarrekin gozatzea sustatzeko.
