Zeledonen jaitsieran San Migeleko balkoian egoteko 50 gonbit bikoitzak zozkatu ditu Gasteizko Udalak

San Migeleko balkoitik jarraitzeko 50 gonbidapen bikoitzak zozkatu ditu Gasteizko Udalak aste honetan

Gasteizko Udaletik jakinarazi dutenez, zozketa San Martineko bulegoetan egin da, zenbakiak ausaz aukeratzen dituen tresna informatiko batekin. Guztira, 4.296 eskaera jaso dira zozketan parte hartzeko, baina oinarrietan ezarritako baldintzak egiaztatu ondoren -pertsona bakoitzeko eskabide bakarra aurkeztea, adinez nagusia izatea eta Herritarren Udal Txartela edukitzea-, azkenean 3.396 izan dira, eta pertsona horien artean egin da zozketa.

Interesdunek udal webgunean kontsulta dezakete hautatu dituzten ala ez, edo, bestela, 010 eta 945 161 100 telefonoetara dei dezakete

Interesdunek udal webgunean kontsulta dezakete hautatu dituzten ala ez, edo, bestela, 010 eta 945 161 100 telefonoetara dei dezakete. Sarrerak besterenezinak dira eta zozketan izena eman duenarentzat eta lagun batentzat izango dira.

Irabazleek uztailaren 26tik 31ra jaso ahalko dituzte balkoira sartzeko eskumuturrekoak Plaza Berriko Turismo Bulegoan

Irabazleek uztailaren 26tik 31ra jaso ahalko dituzte balkoira sartzeko eskumuturrekoak Plaza Berriko Turismo Bulegoan, 09:30etik 19:30era, eta NAN edo AIZ aurkeztu beharko dute nortasuna egiaztatzeko. Jasotzeko epea bukatu ondoren eskumuturrekorik geratuko balitz, zozketan ordezko gisa atera diren hamar pertsonei deituko litzaieke, ordenan.