ure Gasteiz maitean, hiriko kaleak bete dituzten bi pertsonaia mediatikoren bisita izan dugu pasa den astean. Alde batetik, Lidia Lozano deluxe txutxu-mutxuaren erreginak masa-bainua hartu zuen Dato kaleko denda baten inaugurazioan. Benetan erakargarria. Bestalde, joan den ostiralean, Isabel Díaz Ayuso Madrilgo politika polemikoak euskal enpresariak eta kazetariak bildu zituen gosari-topaketa batean. Asteburuan ez zen beste ezertaz hitz egiten. Bada, aurreko astean eta hurrengoetan ere beste jarduera asko egongo dira, eta ziurrenik, askoz ere aberasgarriagoak izango zaizkizue lehen aipatutako bi madrildar liderrak entzutea baino. Joan den asteartean, Miren Agur Meabe idazle lekeitiarra Villa Suso Jauregian izan zen Nola atondu (dudan) gela bat norberarena errezitaldian. Egun horretan bertan, Ignacio Aldecoa Kultur Etxean, Toti Martínez de Lecea idazle gasteiztarra Álvaro Arbinarekin izan zen Irratiaren eta Literaturaren arteko Topaketetan. Eta hilabete honetan bertan Eider Rodriguez Errenteriako idazleak, Patxi Zubizarretarekin batera, Eraikuntzarako materiala liburua aurkeztuko du Villa Suso Jauregian. Benetan interesgarriak. Hiru adibide horiek (askoz gehiago daude) aberastu eta zerbait ikasteko balio dute. Gasteizko kultura altxor bat da. Bila dezagun.
