EAEko saltoki eta elikadura kate handietako salmentak %0,6 gutxitu dira maiatzean

Euskal Autonomia Erkidegoko (EAE) merkataritza gune eta elikadura kate handietako salmentak %0,6 gutxitu dira maiatzean aurreko urteko hil beraren aldean, prezio konstanteetan. Apirilaren aldean, berriz, prezio finkoetako salmentak %0,2 gehitu dira, Eustat euskal estatistika erakundearen datuen arabera.

Elikaduraren sektorean, maiatzeko salmentak %0,5 gehitu dira hil artean prezio konstanteetan, eta gainerako produktuenean, berriz, %0,4 jaitsi. Urte artean, prezio finkoetako salmentak %1,3 murriztu dira elikaduraren sektorean, eta %0,7 igo gainerako produktuetan.

Lurraldeka, saltoki eta elikadura kate handietako salmentak %1,7 jaitsi dira maiatzean Bizkaian eta %0,3 Araban, iazko datuekin alderatuta; Gipuzkoan, aldiz, prezio finkoetako salmentak %1,1 gehitu dira. Aurreko hilaren aldean, salmentek behera egin dute Bizkaian eta Araban, %0,2 eta %0,3, hurrenez hurren, eta %1,1 gehitu dira Gipuzkoan.

Azkenik, EAEko merkataritza gune eta elikadura kate handietako langileen kopurua %0,5 gutxitu da maiatzean aurreko urteko hil beraren aldean, eta %0,8 apirilaren aldean.

Bestalde, Eustaten datuen arabera, eta joan den hilarekin alderatuta, Euskal AEko azalera handietako eta elikadura-kate handietako salmentak % 1,0 gutxitu ziren 2024ko apirilean, prezio konstanteetan. 2024ko martxoarekin alderatuta, prezio konstanteetako salmentak % 0,4 jaitsi dira. Elikaduraren sektorean, prezio konstanteetako salmentak % 0,9 gutxitu dira hilabete artean. Gainerako produktuen sektorean, berriz, salmentak % 0,4 igo dira.

Urtetik urterako balioetan, 2024ko apirilean, 2023ko apirilaren aldean, prezio konstanteetako salmentak % 0,8 murriztu dira Elikaduran, eta % 1,3 Gainerako produktuetan.