Brothers in Band taldeak The Very Best of Dire Straits izenburuko ikuskizun berria aurkeztuko du Baluarten heldu den larunbatean, hilak 19an, arratsaldeko 20.30ean.
Izenak iradokitzen duen moduan, Dire Straits taldearen abestirik ezagunenak joko ditu zuzenean Brothers In Band taldeak. Down To The Waterline moduko abesti garbiak, Money For Nothing klasikoaren riff esanguratsua edota Telegraph Road, Industrial Disease, So Far Away edo Single Handed Sailor kantak jotzen dituzte, besteak beste.
Brothers In Band bederatzi musikarik osatzen dute eta momentu honetan Mark Knopflerren bandari gorazarre egiten dion talderik hoberena da. Sarrerak 35 eta 30 eurotan ohiko kanaletan eskura daitezke: Baluarteko webgunean (www.baluarte.com), txartel-leihatilan eta 902 15 00 25 telefonoan. Gainera Diario de Noticias-eko harpidedunek 3 euroko beherapena eskuratu ahalko dute sarrerak txartel-leihatilan eskuratzerakoan.
