"Zure laguntza oso baliotsua da; kide izaten jarraitzea nahi dugu"

"Koronabirusak herrialde osoan alarma-egoera ezarri zuenetik ia urtebete betetzear dela, Caritasek bat egin nahi du giza galeren eta beraien familien sufrimenduarekin, eta eten bat egin nahi du bidean, eskerrak emateko erakundean konfiantza izan duten eta ahulenei lagundu dieten guztiei", adierazi zuten atzo bertako kideek. "Itxialdiak eta konfinamendua arindu ostean sortutako egoera berriak komunitatearen konpromisotik abiatuta soilik hel dakiokeen erronka handia ekarri dio gizarte osoari", erantsi zuten. Gasteizko Elizbarrutiaren eskualdea egoerak "eskatzen zuen bezala" aritu da.

"Esfortzu guztiagatik, partekatutako guztiagatik eta babesgabetasun-, prekarietate- eta bazterketa-egoeretan laguntzeko eskainitako denbora guztiagatik esker oneko mezua helarazteko garaia da", defendatu zuten kanpaina berriaren aurkezpean. Izan ere, atzo Caritasetik nabarmendu zutenez, pobrezia pandemiaren aurretik ere bazegoen, baina alarma-egoerak okerrera egin zuen Gasteizko eta Euskal Autonomia Erkidegoko familia askoren egoeran. Hala, zailtasunak zituzten familiei familia berriak eta herritar gehiago gehitu zaizkie, enplegua suntsitzearen eta normaltasun berriaren ondoren negozioak ixtearen ondorioz.

Hori dela eta, azken urte honetan gehiago izan dira Caritasi laguntza eskatu behar izan dioten familiak eta pertsonak: "Caritasek ere bere burua berrasmatu behar izan du; murrizketetara eta erantzukizun kolektibora egokitu behar izan du. Zenbait programek jarduera bertan behera utzi behar izan dute, eta beste batzuek ahalegin handiak egin dituzte indarrean dagoen araudiarekin bateragarriak diren gutxienekoei eusteko", azaldu dute. Gainera, "beldur, errezelo, zuhurtzia eta abarren ondorioz, zenbait boluntariok beren eginkizuna bertan behera uztea erabaki zuten. Laguntza eta babesa behar dituzten pertsonekin egoteko eta haiei laguntzeko modu berriak bilatu beharrean aurkitu da erakundea. Segurtasun-tartea izan da, zalantzarik gabe, zailtasunik handiena; bi metrora hurbiltasuna emateak gaitasun berriak sorrarazi ditu, lagun-tza emateak eskatzen duen berotasuna iritsarazten jarraitzeko", azpimarratu zuten.

Hala ere, eta zailtasunak zailtasun, Caritasek esan du jarduera ez dela gelditu eta laguntza eskatu duten herritarrek eta familiek elkarteak artatzen jarraitu dutela. Horregatik guztiagatik, eta behartsuenei laguntzen jarraitu ahal izateko, kanpaina berri bati ekin diote, eta herritar guztiei eskatu diete laguntza, guztien artean inor atzean gera ez dadin. Hala, Espainiako Elizbarrutietako Caritas guztien iritzia biltzen duen kanpaina aurkeztu du Espainiako Caritasek: Caritasek eskerrak eman nahi ditu ez delako bakarrik egon. "Caritasek eskerrak eman nahi dizkizu, pandemian zehar izan dugun zure konfiantza eta babesagatik. Zure laguntza oso baliotsua da. Horregatik, 2021 honetan, zu gure kide izaten jarraitzea nahi dugu. Keinu bakoitzak du zeresana".

Joan den ekainean, itxialdiko eta konfinamendua arintzeko hilabeteetan erakundeak garatutako jardueraren berri eman zen, Caritasek urtero jarduera-txostena aurkezteko duen konpromisoaren testuinguruan. Izan ere, orokortutako itxialdi-garaian zehar, dei ugari jaso ziren, eta entzuteko eta laguntzeko lan handia egin zen.

Laguntza ekonomikoa eman zitzaien zailtasunak planteatu zituzten laurehundik gora laguni, etxebizitzako oinarrizko beharrak edo mantentze-gastuak ordaintzeko; eta laguntza eman zi-tzaien mendekotasuna eta mugikortasun murriztua duten adineko pertsonei. Ehun boluntario inguru aritu ziren jasotako laguntza-eskaerei lekuan bertan erantzunez: kutsatzeko arrisku handikoak ziren pertsonek egin ezin zituzten erosketak eginez, medikamentuak entregatuz eta bestelako kudeaketak eginez. Lan hori egin ahal izateko, "beharrezkoa izan zen Caritasek egindako lanari gizarteak babesa ematea". "Covid-19 larrialdia kanpainari emandako erantzunari esker, ekainerako jada ia 400.000 euro batu ziren erakunde, enpresa, emaile partikular eta bazkideen dohaintzekin. 2020ko ekitaldiaren amaieran, pandemiak eragindako egoerei laguntzeko guztizko datua 501.426,08 eurokoa zen", ondorioztatu zuten Caritaseko kideek.

Laguntzak. Iazko konfinamendu hilabeteetan, elkarrizketa eta arreta kopuruak behera egin zuen, Caritasek azaldu zuenez. Hala ere, deseskaladaren ondoren, artatutako elkarrizketa eta familia kopuruak berreskuratu ziren. Joan den martxoan 665 elkarrizketa egin ziren eta konfinamenduaren hilabeteetan 350 izan ziren. Elkarteak erregistratutako azken datuan, azaroan, 1.204 elkarrizketa egin ziren. Gainera, azken hilabeteetan, arreten datuak ere berreskuratu dira: Martxoan 428 arreta zenbatu ziren, eta konfinamenduan zehar 90. Ekainean, uztailean, irailean eta urrian 504, 568, 643 eta 728 izan ziren, hurrenez hurren.

1

Lehenik eta behin, Caritasek eskerrak eman nahi izan dizkie lagundu duten guztiei.

2

Bigarrenik, aurreko kanpainan lagun-tza handia jaso zutela eta familien eskaerei aurre egin zietela esan dute.

3

Gainera, kanpaina berri bati ekin diote, 'Eskerrik asko' leloarekin, hain zuzen ere.

4

"Caritasek eskerrak eman nahi dizkizu, pandemian zehar izan dugun zure konfiantzagatik"

5

"Zure laguntza oso baliotsua da. Keinu bakoitzak du zeresana".

Esaldia. "Koronabirusak herrialde osoan alarma-

egoera ezarri zuenetik ia urtebete betetzear dela, Caritasek bat egin nahi du giza galeren eta beraien familien sufrimenduarekin, eta eten bat egin nahi du bidean, eskerrak emateko erakundean konfiantza izan duten eta ahulenei lagundu dieten

guztiei. Itxialdiak eta konfinamendua arindu ostean sortutako egoera berriak komunitatearen konpromisotik abiatuta soilik hel dakiokeen erronka handia ekarri

dio gizarte osoari".