Euskalmet euskal meteorologia agentziaren iragarpenaren arabera, asteazkenean, ekainaren 3an, argitzera eta epeltzera egingo du. Eguna moteletik hasiko dugu, bereziki ipar partean, eta kostaldetik gertu eta Kantauri isurialdearen ekialdean euri txikia egin dezake. Egunak aurrera egin ahala hodei-geruza saretuz joango da eta arratsaldean giro eguzkitsua nagusituko da, bertatik azpimarratu duten bezala gaur.
Hala, eta ildo horretatik jarraituz, bertatik azpimarratu duten bezala, haizea nora ezean eta ahul ibiliko da hasieran, eta arratsaldean ipar/ipar-ekialdetik finkatuko da. Tenperaturak gora egingo du eta astearte honetan galdutakoaren zati handi bat irabaziko du. Hiriburuetan, Baionan 14 gradu espero dira gutxienez eta 23 gehienez, Bilbon 14 gutxienez eta 24 gehienez, Donostian 13 gutxienez eta 23 gehienez, Gasteizen 9 gutxienez eta 26 gehienez eta Iruñean 11 gutxienez eta 26 gehienez.
BALORAZIOA
Ildo horretatik jarraituz, Euskalmetetik azpimarratu dutenez, Itsasbazterrean mendebal-osagaiko haizea ibiliko da, 3ko indarrarekin goizaldean, eta goizean ahuldu eta eguerdi aldera ipar/ipar-ekialdera egingo du 2-3koarekin; itsaso kizkurra edo itsaskirria sortuko du.
"Ipar-mendebaldeko hondoko itsasoak 1,5 metro inguruko olatuak altxatuko ditu. Itsasgorak 07:08an eta 19:25ean izango dira, eta itsasbehereak 01:40an eta 13:13an. Uraren tenperatura 19 gradukoa da eta ikuspena hamar kilometrotik gorakoa izango da", ondorioztatu dute azkenik euskal metereologia agentzia Euskalmetetik.
