Migratzaile zaurgarriei zuzeneko arreta ematen dieten Europako 16 teknikari aditu bildu dira Bilbon

Bilboko Udalak Migrazio Politikak Garatzeko Nazioarteko Zentroa gobernuarteko erakundearen bisita izango du astearte honetan eta asteazkenean, eta kalteberatasun egoeran dauden migratzaileei zuzeneko arreta ematen adituak diren Europako zortzi herrialdetako 16 teknikari bilduko dira.

Ekimena Europako Lehen lerroko langileentzako laguntza proiektuan baitan dago. Egitasmo horren helburua da kalteberatasun egoeran dauden migratzaileei laguntzen dieten profesionalen gaitasunak indartzea, ideia berritzaileen trukea bultzatzea eta jardunbide egokiak partekatzea harreraren eremuan, Bilboko Udaletik jakinarazi dutenez.

Bada, Belgika, Danimarka, Finlandia, Irlanda, Suitza, Italia, Alemania eta Maltako 16 aditu daude hirian, esperientziak partekatzeko, lurraldeko baliabideetara bisitak egiteko (Harreragune, Arrupe Etxea edo Peñascal kooperatiba), eta politika publikoetako eta gizarte entitateetako arduradunekin hitz egiteko, bai eta harrera eta integrazioa egunez egun ahalbidetzen duten lehen mailako langileekin ere.

GIZARTE ENTITATEA

Horretarako, Bilboko Udala eta Eusko Jaurlaritza Bizkaiko Foru Aldundiarekin, Gobernuaren Ordezkaritzarekin eta beste gizarte entitate batzuekin koordinatu dira. Nazio Batuen Erakundearen (NBE) 2030 Tokiko Koalizioaren Estatuko koordinatzaileak ere parte hartu du.

Migrazio Politikak Garatzeko Nazioarteko Zentroa 1993an sortu zen, Austria eta Suitzaren ekimenez, kontsulta informaletarako laguntza gisa, eta migrazioaren eta asiloaren arloan alde askotako lankidetzaren panorama berrian ezagutza espezializatuak eta zerbitzu eraginkorrak emateko. Europako 21 estatuk parte hartzen dute, NBEren behatzaile estatusa du eta 200 bazkiderekin baino gehiagorekin aritzen da lankidetzan.