‘Jaibus Vital’ uda honetan itzuliko da, Arabako gazteak 31 udalerritako jaietara modu seguruan eramateko

Jaibus Vital uda honetan itzuliko da eta ibilbide gehiago dakartza, herriko jai gehiagotara joateko eta egutegi zabalagoa izango du.

Arabako gazteei lurraldeko jaietara modu seguruan joateko aukera ematen die Vital Fundazioaren programa horrek eta, larunbatean, hilak 15, hasiko da Salcedon eta Ozetan, eta urriaren 5ean amaituko da Agurainen eta Gesaltza Añanan. Hilabete hauetan, autobus-flota zabala errepideetatik ibiliko da unean-unean, eta 31 helmugatara eramango ditu gazteak, 58 ibilbide ezberdin eginez, horien artean Gasteizko Andre Maria Zuriaren jaietara. 

Ekimen horrek uda bakoitzean Arabako hainbat udalerritako jaietara gauez joateak dakartzan arriskuak saihestea du helburu. Horrela, Vital Fundazioak aukera bat eskaintzen die 15 urtetik gorakoei aisialdi horretaz gozatzeko eta etxera modu eroso eta seguruan itzultzeko.

Aurtengo edizioan, Jaibus Vitalek 58 ibilbide egingo ditu

Aurtengo edizioan, Jaibus Vitalek 58 ibilbide egingo ditu (49 izan ziren 2023an), nahi duena programan jasotako 31 helmugetako (29 izan ziren 2023an) festetara eramateko. Udan zehar herriko jaietara eramango dituzte gazteak, eta abuztuaren 5ean, astelehena, Gasteizko Andre Maria Zuriaren ospakizunetara. Era berean, Santikurutze Kanpezu, Murgia eta Aguraingo herriek zerbitzua izango dute Arabako hiriburutik.

Arabako herrietara doazen autobusak ibilbidearen lehenengo puntutik abiatuko dira, 23:30ean. Itzulerarako, ordutegi biren artean aukera daiteke: goizaldeko 3:30ak edo 6:00ak. Gainera, herri batzuek ordutegi bereziak izango dituzte joateko nahiz itzultzeko (www.fundacionvital.eus webgunean kontsulta daitezke). 

Txartelen erreserba

Bidaia-txartelen prezioa 3 eurokoa izango da, joan-etorrikoa, eta erreserba www.fundacionvital.eus webgunearen bidez baino ez da egingo. Izena emateko datak gaurtik aurrera, ekainaren 3tik aurrera, izango dira ekaineko eta uztaileko ibilbideetarako; uztailaren 22tik aurrera, abuztukoetarako (Andre Maria Zuriaren jaiak barne) eta abuztuaren 28tik aurrera, iraileko eta urriko ibilbideetarako. Izena emateko epea zabalik egongo da bidaia bakoitzaren aurreko eguneko 13:00ak arte. 

Gainera, Vital Fundazioak garraio egokitua jartzen du behar duten erabiltzaileen eskura. Zerbitzu hori erabili nahi duten pertsonek izena eman beharko dute eta beren eskariaren berri eman Jaibus Lineako zerbitzuak bezeroak artatzeko dituen ordutegietan.