Udalak 68.000 euro emango dizkie Gasteizko hiru erakunderi 2024an zehar sustapen ekonomikoko jarduerak gara ditzaten

Tokiko Gobernu Batzordeak gaur onartu du tokiko hiru erakunderi 68.000 euroko inbertsioa ematea sustapen ekonomikoarekin lotuta. Lehen lankidetza-proposamena Arabako Merkataritza eta Industriako Ganbera Ofizialarekin egingo du 2024an zeharItun Berdea izeneko nazioartekotze-programa aurrera eramateko.

“Hitzarmen honi esker, azoketarako, networkingeko topaketetarako eta nazioarteko misio komertzialetarako laguntza-gastuak finantzatuko ditugu ‘Itun Berdea’ izeneko udal-programara atxikita dauden tokiko ETE-en kasuan”, nabarmendu du Ekonomia Sustapen, Enplegu, Merkataritza eta Turismo zinegotziak, Maria Nanclaresek. Udalak 32.000 euroko ekarpena egingo du proiektu horretarako.

Wine City

Aldi berean, Tokiko Gobernu Batzordeak hitzarmena onartu du Vitoria-Gasteiz Wine City elkartearekin 2024an zehar jardueren plana abian jartzeko eta garatzeko.

Udalak 20.000 euro emango dizkio Arabako erakundeari. Haren helburua da Aiarako Haraneko Txakolina eta Gasteiz ardoaren eta Arabako Errioxako kalitatezko produktuaren hiriburu gisa sustatzea eta hedatzea.

Aurtengorako aurrez ikusitako ekimenetako batzuk dira

Aurtengorako aurrez ikusitako ekimenetako batzuk dira Wine Berria ekimenaren seigarren edizioa, eta ‘Vino solidario’ren bigarren edizioa, besteak beste. “Horien bidez, gure hiria maila sozioekonomikoan eta turistikoan bultzatuko dugu, eta lurraldeko ardoaren eskualde ekoizleak sustatu. Horri guztiari esker, hainbat sektore ekonomiko bultzatzen jarraituko dugu: ostalaritza, upategia, turismoa, merkataritza…”, azpimarratu du Nanclaresek.