Ertzaintzak Hernanin, Galarreta inguruan, heriotza bat eragin zuen istripuaren lekukoak eskatzen ditu

Joan den asteazkenean, azaroaren 29an, goizeko hamar eta erdietan, ibilgailu batek bi emakume harrapatu zituen GI-3401 errepidean, Hernanin, eta Ertzaintzak istripuaren lekukoak eskatzen ditu.

Zoritxarreko istripuan ibilgailu batek harrapatu zituen bi emakumeetatik bat, 93 urtekoa, hil egin zen.

Istripuari buruz informazioren eman dezaketen pertsonak Trafiko Unitateko ikerketaren arloko agenteekin harremanetan jar daitezke 943539119 telefono-zenbakiaren bidez.

Bestalde, Ertzaintzak 27 urteko gizon bat atxilotu du Bilbon, urriaren 29ko goizaldean Bizkaiko hiriburuan egindako sexu-erasoa leporatuta. Egindako ikerketen ondorioa izan da gaztea identifikatu eta atxilotzea, eta Bilboko Guardiako Epaitegiaren eskuetan jarri ondoren, espetxera eraman dute.

Ertzaintzak ikertutako egitateak urriaren 29ko goizaldean gertatu ziren Abando auzoan, biktima etxera zihoanean. Dirudienez, ustezko erasotzaileak atzetik segi zion, eta emakumea eraikineko portalean sartu zenean barrura sartzea lortu zuen eta sexualki eraso egin zion. Biktimak kalera irtetea lortu zuen eta oihuka eta laguntza eske hasi zen, eta gizonak korrika ihes egin zuen, beraz.

Biktimari pertsona batzuek lagundu zioten Bilboko Udaltzaingoaren patruila bat zegoen lekura, eta dagokion salaketa jarri zuen gero. Erasotzailea identifikatzeko ikerketaren kargu Bilboko Ertzain-etxea egin zen.

Ikerketaren ondorioz, aste honetan, asteartean, atxilotu zuten gizona Bilbon. Atxilotua Bilboko Guardiako Epaitegiaren eskuetan jarri zuten, eta epaileak Basauriko espetxera eramateko agindua eman zuen.