Berliner Verkehrsbetriebe (BVG) Berlingo garraio publikoko enpresa nagusiak autobus elektriko artikulatuen beste eskari bat adostu du CAF Taldeko Solaris enpresarekin, bi enpresen artean sinatutako eta indarrean zegoen esparru akordioa oinarritzat hartuta. Eragiketaren bolumena 220 milioi euro baino gehiagokoa da, eta, ondorioz, euskal enpresaren historian egindako autobus elektrikoen eskari handienetakoa izango da.
Hain zuzen ere, CAFeko iturriek prentsa ohar bidez jakinarazi duenez, Solarisek 18 metroko 50 autobus elektrikoko lehen sorta entregatu ondoren, Berlingo metro, tranbia, autobus eta ferry sareak kudeatzen dituen enpresak antzeko beste 270 ibilgailuren eskaera egin du.
Akordioak 2023ko abenduan egindako eskaria handituko du. Eskari horrek Solarisen lehen 50 autobus artikulatuak jaso zituen eta haietako gehienak dagoeneko Alemaniako hiriburuko kaleetan zirkulazioan daude.
"Eskari handi hori Solarisi esleitu izanak erakusten du BVGk ildo horretan egindako apustua, eta era horretako soluzioen hornitzaile gisa CAF Taldearengan duen konfiantza", adierazi dute euskal enpresatik
BVGrekin hasiera batean sinatutako esparru-akordioak zortzi urteko epean gehienez 700 autobus elektriko hornitzeko aukera jasotzen zuen. Autobusak Solaris High Energy bateriekin ekipatuta egongo dira, eta ibilgailuak korronte hargune estandarraren edo pantografoaren bidez kargatu ahal izango dira.
BESTE DATU BATZUK
CAFen arabera, BVG operadoreak "modu irmoan" ekin dio bere ibilgailuak elektrifikatu eta azpiegiturak modernizatzeko erronkari. Europa osoko garraio publikoko operadore nagusiek gaur egun duten "funtsezko helburua" da, merkatuan erabilgarri dauden zero isuriko soluzio onenetan inbertituz.
"Eskari handi hori Solarisi esleitu izanak erakusten du BVGk ildo horretan egindako apustua, eta era horretako soluzioen hornitzaile gisa CAF Taldearengan duen konfiantza", adierazi dute euskal enpresatik.
