Koronabirusak ere ez ditu geldiarazi droga-trafikoa eta drogazaleen kontsumoa. Are gehiago. Iaz, handitu egin ziren narkotrafikoarekin lotutako atxiloketak eta ikerketak Araban eta gainerako euskal lurraldeetan. DIARIO DE NOTICIAS DE ÁLAVA egunkariak eskura izan dituen datuen arabera, 2019an Ertzaintzak 389 atxiloketa eta esku-hartze egin zituen Euskal Autonomia Erkidegoan droga legez kanpo saltzeagatik (85 Araban). Urtebete geroago, hain zuzen ere pandemiaren hasierak markatu zuen urtean, atxiloketa eta ikerketa-kopuru hori 585 kasutara igo zen (91 kasu Araban), eta egungo joerak gorantz jarraitzen du.
Estatistikek erakusten dute trapitxeoa egunero gertatzen dela. Ildo beretik, eta Ertzaintzaren arabera, urteko lehen sei hilabeteetan 292 atxiloketa eta esku-hartze izan dira, eta horietatik 52 Arabari dagozkio. Ertzaintzaren Ondare eta Osasun Publikoaren Aurkako Delituen Ataleko arduradunak egunkari honetan adierazi du igoera horrek zenbait irakurketa izan ditzakeela. Alde batetik, drogazaleen kontsumoak gora egin duelako edo haxixaren kontsumoarekin hasten diren pertsonen kopuruak ere gora egin duelako izan liteke. Baina, era berean, prebentzio-kanpainei eta Eusko Jaurlaritzako Segurtasun Sailak Araban, Bizkaian eta Gipuzkoan droga-trafikoa saihesteko egiten duen lanari erantzuten diela argitu du. “Egia da iaz konfinamendu bat agindu zela, baina urte osoan zehar Ertzaintzak kontrol asko egin zituen eta orduan detektatu ziren droga-trafikoko kasuak”, azaldu du. Gainera, konfinamendu garaian, “pertsona askok konfinamendu-arauak urratzen zituzten eta hor errazagoa zen drogarekin harrapatzea”, nabarmendu du. Ildo horretatik jarraituz, beste delitu batzuek behera egitea lortu duten bitartean, droga trafikoarena zailagoa izan da, esaterako, legez kanpoko jaiak egiten jarraitu direlako, botiloi ezagunak kasu.
Hala ere, kasu horien aurrean, Ertzaintzak prebentzioa areagotu du, nahiz eta arduradunak esan du prebentzio horrek gizartean egon behar duela, ez soilik poliziaren aldetik. “Droga etxeetatik eta ikastetxeetatik ateratzen da, gizartearen ardura da trafikoaren aurkako borrokan lan egitea”, esan du. Izan ere, estupefazienteren bat kontsumitzen duten pertsonen profila gero eta gazteagoa da. Arduradunak azaldu duenez, gaztetan hasten dira, nerabezaroan, unean uneko kontsumoekin, batez ere marihuanarenarekin; substantzia psikoaktibo horiek nerabeengan kontsumitzeak agintarien arreta erakartzen du, baina gizarte osoaren arreta erakarri beharko lukeela dio, kontsumoa eta, horrekin, trafikoa geldiarazteko.
“Drogen munduan nerabezaroan hasten da. Gero, urteen poderioz eta diru-maila aldatu ahala, kontsumitzen dituzten substantziak aldatu egiten dira, eta anfetamina sulfatora (speeda bezala ezagutzen dena) pasatzen dira. Faseka doa, eta azken fasean kokaina kontsumitzen da”.
Hori dela eta, droga trafikoaren aurkako borroka etxeetan bertan hasi behar dela aitortu du. Lan horrek ikastetxe guztietan jarraitu beharko luke, baita Ertzaintzak egiten dituen ikerketekin ere. Izan ere, sail honek bi taldetan sailkatzen ditu narkotrafikatzaileak. Kantitate txikiak saltzen duten pertsonak (menudeoa) edo droga beren ogibide bihurtzen duten narkotrafika-tzaile handiak daude. Kasu horietan, eta atxiloketen eta ikerketen ehuneko handi baten atzean, hain zuzen ere, lehenengo kasukoak daude; kasu hauetan agenteek ustekabean edo in fraganti harrapatzen dute trafikatzailea. Droga-trafikatzaile horiekin ere topo egiten dute, kasualitatez, poliziaren esku-hartzeren batean (adibidez, trafiko-kontrolen bat errepidean), non droga aurkitzen duten kasu batzuetan. Nola jakin droga hori norberaren kontsumorako edo trafikorako den? Kasu horretan, poliziak herritar bati droga aurkitzen dion bakoitzean, konfiskatu eta, ondoren, pisatu egiten dute. Drogaren gramoen arabera, arau-hauste administratibotzat (norberaren kontsumoa) edo arau-hauste penaltzat (droga-trafikoa) hartzen da. Nolanahi ere, debekatuta dago droga edozelan eramatea, baina dosi txikietan norberaren kontsumotzat har liteke, eta, beraz, herritarrek isun administratibo bat ordainduko lukete, eta dosi altuetan, berriz, espetxe-zigorren eraginpean egon liteke. Substantzia estupefazienteen legez kanpoko salmentaren ofizio horretatik bizi diren narkotrafikatzaileen kasuan, espetxe-zigorra nabarmen igotzen da, drogaren eta kopuruen arabera. Ildo beretik, arduradunak gogorarazi du debekatuta dagoela etxebizitzetan marihuana landatzea. Izan ere, garai honetan hasten da marihuanaren uzta: “Ikerketa asko herritarren laguntzari esker hasten dira. Auzokideek deitzen digute beren etxeetatik gertu dagoen marihuana usainaz ohartarazteko”, ondorioztatu du.
Droga-trafikoa. Koronabirusak ere ez ditu geldiarazi droga-trafikoa eta drogazaleen kontsumoa. Are gehiago. Iaz, handitu egin ziren narkotrafikoarekin lotutako atxiloketak eta ikerketak Araban eta gainerako euskal lurraldeetan. DIARIO DE NOTICIAS DE ÁLAVA egunkariak eskura izan dituen datuen arabera, 2019an Ertzaintzak 389 atxiloketa eta esku-hartze egin zituen Euskal Autonomia Erkidegoan droga legez kanpo saltzeagatik (85 Araban). Urtebete geroago, hain zuzen ere pandemiaren hasierak markatu zuen urtean, atxiloketa eta ikerketa-kopuru hori 585 kasutara igo zen (91 kasu Araban), eta egungo joerak gorantz jarraitzen du.
Kontsumitzeko. Nola jakin droga hori norberaren kontsumorako edo trafikorako den? Kasu horretan, poliziak herritar bati droga aurkitzen dion bakoitzean, konfiskatu eta, ondoren, pisatu egiten dute. Drogaren gramoen arabera, arau-hauste administratibotzat (norberaren kontsumoa) edo arau-hauste penaltzat (droga-trafikoa) hartzen da. Nolanahi ere, debekatuta dago droga edozelan eramatea, baina dosi txikietan norberaren kontsumotzat har liteke, eta, beraz, herritarrek isun administratibo bat ordainduko lukete, eta dosi altuetan, berriz, espetxe-zigorren eraginpean egon liteke. Substantzia estupefazienteen legez kanpoko salmentaren ofizio horretatik bizi diren narkotrafikatzaileen kasuan, espetxe-zigorra nabarmen igotzen da, drogaren eta kopuruen arabera. Ildo beretik, arduradunak gogorarazi du debekatuta dagoela etxebizitzetan marihuana landatzea. Izan ere, garai honetan hasten da marihuanaren uzta: “Ikerketa asko herritarren laguntzari esker hasten dira. Auzokideek dei-tzen digute beren etxeetatik gertu dagoen marihuana usainaz ohartarazteko”.
“Droga etxeetatik eta ikastetxeetatik ateratzen da, gizartearen ardura da trafikoaren aurkako borrokan lan egitea”, esan du. Izan ere, estupefazienteren bat kontsumitzen duten pertsonen profila gero eta gazteagoa da. Arduradunak azaldu duenez, gaztetan hasten dira, nerabezaroan, unean uneko kontsumoekin, batez ere marihuanarenarekin.
