"Nik egiten dudan lan bakoitzarekin herritarren hausnarketa bilatzen dut"

"Oso pozik nago egin dudan lanarekin. Horma-irudi honekin, eta egiten dudan lan bakoitzarekin, pertsonen hausnarketa bilatzen dut, herritarrak ikustera etor daitezen nahi dut, beren arazoei ihes egiten dieten bitartean une atsegin bat igarotzeko", azaltzen du Pedro Morazak. "Koadro bat baserri batekin eta ume batekin egiten badut, guztiek ulertuko dute, baina errealitate bati zehatzak ez diren formak sortzen badizkiot, ikuslea gogoeta egitera eta zer esan nahi duen ikertzera gonbidatzen dut", gehitu du. Eta horixe da, hain zuzen ere, Gernika Site lanarekin lortu nahi izan duena: errealitatera zehatzak ez diren hainbat forma sortzea, bertara joaten diren herritar bakoitzak tarte bat pasa dezaten, xehetasun guztiak aztertuz.

Koadroaren zati bakoitzak bere esanahia dauka, eta xehetasunik txikiena ere zainduz landu eta sortu da. Izan ere, artista sei hilabetez aritu da horma-irudi horretan lanean, lortutako emaitza lortu arte, hain zuzen. "Uda baino lehen hasi nintzen lan honetan, lehenbizi proiektua diseinatzen, eta gero pieza bakoitza sortzen", aitortzen du. Horma-irudi honetan erabili duen teknika, bere lanetan aspalditik erabiltzen duena, hari lehorreko zeramika izenekoa da.Teknika hori zeramika apaintzeko erabiltzen den prozedura da; lehenik, pintzelez egindako marrazkia egiten da, eta, ondoren, marra horrek mugatutako espazioetan, azken kolorazioa sortzen duten koloreak aplikatzen dira. Lehenengo pintzel-trazuak bigarren urratsean erabilitako koloreak nahastea saihesten du. Gainera, lan honen funtsezko zatia labean ere badago. Hori guztia lan neketsuan bigurtzen du, pazientzia eskatzen du ena xehetasun guztiak zaintzeko. "Muntatzen joan behar den puzzle bat bezalakoa da. Lehenbizi diseinatu egin behar da, eta gero koloreztatu", azaldu du. Hain teknika konplexua da, ezen, Pedro Morazaren arabera, ez baita ohikoa teknika hori erabiltzen duten artista asko aurkitzea. Horregatik, iaz artista honek ikastaro bat egin zuen teknikan interesa zuten artistentzat, eta aurten, seguruenik, bigarren ikastaro bat egingo du interesatuentzat. Labean egindako lan hori guztia, eta puzzlean muntatuz, interesa duten artistei eskaini dizkien ikastaroak barne, Gasteizko Pio XII kaleko bere estudioan egiten du. Atzerrirako egin dituen lan ugariek ere badituzte orduak Gasteizko estudioan.

Pedro Moraza diziplina anitzeko artista da eta azken urteotan hari lehorreko zeramikaren teknikan aritu da, baina beste teknika batzuekin ere egin ditu lanak. Euskal Autonomia Erkidegoan egindako bi lan garrantzitsuenak Antoñanan egin zuena da, Antoñana izenekoa hain zuzen, eta egin berri duena Gernika Site. Bere lan asko atzerrian egin eta erakutsi dira, eta duela urtebete baino gutxiago sari bat irabazi zuen Arabiar Emirerrietan. Izan ere, han egingo ditu hurrengo hiru proiektuak. Hain zuzen, hurrengo proiektuak Dubaien izango dira. "Dorre bat egiten ari dira, bost izarreko hotel bat, kale nagusian, 102 altuerakoa, eta bertan egingo dut lan", azaldu du. Haurren minbiziari buruzko ospitale baten proiektuan eta eskola batean ere ari da lanean. Hiru proiektu horietan pandemia baino lehen hasi zen lanean, baina martxoan bizi izandako konfinamenduak geldiarazi egin zuen haien aurrerapena. Momentuz, lan horietako bakar bat ere ez dute bertan behera utzi, baina artistak ez du normaltasunari berriro heldu bere egunerokoan, eta ezin izan du haiekin jarraitzeko bidaiatu. Hori bai, hilabete batzuk pasata Dubaira joan nahi du, lan horietan aurrera egiteko. Orain, hemendik ari da proiektuak egiten, Gasteizen egingo duen lana Dubaira nola eraman aztertzeko. "Ilusio handia daukat proiektu hauetan ere, nire lana eta horretan aritzea gustatzen zait. Orain, hoteleko lana nola egingo dudan pentsatzen ari naiz, nire asmoa da Gasteizen egitea eta gero hara eramatea", aitortu du.

Gernika Site. Pedro Morazaren azken lana Gernika Site da, eta Estadio Fundazioaren 60. dela eta egin da, estadioaren sarreran bertan kokatzeko. Pozik agertzen da egindako lan honekin, eta egunkari honetan ziurtatzen du xehetasun guztiak zaindu eta mimatu dituela, horma-irudi honekin gozatzen duten herritarrek bertan islatu dituen xehetasun guztiak ezagut ditzaten; Piccasoren Gernikako koadroari kolore gehiago ematen saiatu da, eta, gainera, koronabirusari edo Eusko Legebiltzarrari berari keinu egiten dioten xehetasunak gehitu dizkio.

Teknika desberdina. Koadroaren zati bakoitzak bere esanahia dauka, eta xehetasunik txikiena ere zainduz landu eta sortu da. Izan ere, artista sei hilabetez aritu da horma-irudi horretan lanean, lortutako emaitza lortu arte, hain zuzen. "Uda baino lehen hasi nintzen lan honetan, lehenbizi proiektua diseinatzen, eta gero pieza bakoitza sortzen", aitortzen du. Horma-irudi honetan erabili duen teknika, bere lanetan aspalditik erabiltzen duena, hari lehorreko zeramika izenekoa da.Teknika hori zeramika apaintzeko erabiltzen den prozedura da.

"Oso pozik nago egin dudan lanarekin. Horma-irudi honekin, eta egiten dudan lan bakoitzarekin, pertsonen hausnarketa bilatzen dut, herritarrak ikustera etor daitezen nahi dut, beren arazoei ihes egiten dieten bitartean une atsegin bat igarotzeko", azaltzen du Pedro Morazak. "Koadro bat baserri batekin eta ume batekin egiten badut, guztiek ulertuko dute, baina errealitate bati zehatzak ez diren formak sortzen badizkiot, ikuslea gogoeta egitera eta zer esan nahi duen ikertzera gonbidatzen dut", gehitu du.

"Ilusio handia daukat nire proiektu berrietan, nire lana eta horretan aritzea asko gustatzen zait. Orain Dubainen sortzen ari diren hoteleko lana nola egingo dudan pentsatzen arin naiz".