- Udaltzaingoko langileak prestatzea, herritarrekiko harremana hobetzeko. Horretarako, Gasteizko polizia guztiek prestakuntza-ikastaro bat hasiko dute datorren astelehenean, agenteek herritarrekin duten elkarreragina hobetzeko.

"Gure agenteek ematen duten tratua, oro har, zuzena bada ere, hobetzeko aukera dago, eta hori aprobetxatuko dugu herritarrekiko haien interakzioa hobetzeko. Gure bizilagunengandik hurbilago egon nahi dugu, hurbileko polizia eta zerbitzu gisa benetan ikus gaitzaten. Horretarako, arreta egokiena eskaini behar da egoera bakoitzean, eta horrela izan dadin behar diren tresnak eduki", azaldu zuen atzo Marian Gutierrezek, herritarren segurtasuneko zinegotziak. Hain zuzen, zinego-tziak berak behin baino gehiagotan iragarri zuen Herritarren Segurtasunerako Batzordeetan, non adierazi zuen Udala lanean ari zela herritarrekiko hurbileko poliziaren harremana hobetzeko. Ikastaro hori astelehen honetan hasiko da eta Udaltzaingoko psikologoak emango du.

Gainera, ikastaro hau lau multzotan egituratuko da. Lehenik eta behin, udaltzainek Udaltzaingoaren ereduaren azterketa eta hausnarketa aztertuko dituzte. Bestalde, bigarren multzoan, herritarrekiko elkarreraginari eragiten dioten faktore psikologikoen azterketan ere sakonduko dute. Hirugarren multzoan, pertsonen arteko harremanak errazten dituzten eta arazoak konpontzen laguntzen duten teknikak eskuratzeari buruzko prestakuntza jasoko dute: komunikazio-estiloak aztertzea, eta etsaitasuneko eredu emozionalak erabiltzea, besteak beste. Azkenik, albiste txarrak eman behar dituztenean herritarrekiko komunikaziorako bloke batekin bukatuko da prestakuntza hori.

"400 agente baino gehiagok, agintaritza barne, parte hartuko dute egun bateko prestakuntza honetan, maiatzera arte. 22 saio emango dira, 20 bat pertsonako taldetan", azaldu zuten atzo Gasteizko Udaletik.

Bestalde, "herritarrekiko interakzioko estrategia psikologikoak" ikastaro hau arestian egindako LGTBI gaiari buruzko beste bati gehitzen zaio. "Joan den abenduan, gaiari buruzko prestakuntza-jarduera bat amaitu zen; horretan, kolektibo horren kontrako gorroto-delituei aurre egiteko une bakoitzean nola jokatu den ikasi zuten Agirrelandako udaltzain guztiek", gaineratu zuten Udaletik bidalitako prentsa-ohar batean.