'Naruto' anime japoniar arrakastatsua estreinakoz ikusi ahal izango da euskaraz Primeran plataforman

Primeran plataformak 'Naruto' kultuko anime seriea euskaraz eskainiko du lehen aldiz, eta lehen bost atalak ostegunetik izango dira ikusgai EITBren 'streaming' plataforman, ekainaren 25etik. Masashi Kishimotok sortutako izen bereko mangan oinarritutako animazio japoniarreko seriea da 'Naruto'. Jatorriz Hayato Datek zuzendu zuen, eta Studio Pierrot ekoiztetxe japoniarrak ekoitzi, EITBk jakinarazi duenez.

Konoha herrixkako ninja bat da Naruto. Bederatzi Isatseko jinchrikia izateagatik da ezaguna, jaiotzean bere barnean zigilatutako azeri deabru bat. Horrek haurtzaro bakarti bat izatera eta bere herriaren errekonozimendua bilatzera bultzatu zuen.

Nazioarte mailan arrakasta handia eta jarraitzaile komunitate zabala duen anime ospetsuenetako bat da 'Naruto', baina orain arte ez da inoiz euskarara bikoiztu. Aurrerantzean, euskaraz gozatzeko aukera izango da, besteak beste, Iosu Diaz, Igone Gonzalez, Julen Agirrezabala, Jose Martin Zabala, Pello Artetxe, Mikel Sagarzazu, Jon Goirizelaia, Iñigo Elosegi eta Joseba Cordon bikoiztaileen ahotsetan. Mixer estudioetan egin da bikoizketa, Miren Mujika izan da itzultzaile eta egokitzailea eta Josu Diaz, berriz, bikoizketa zuzendaria.

Hala, eta ildo horretatik jarraituz, primeran plataforman estreinatu aurretik, jarraitzaile gutxi batzuek aukera izango dute lehen lau atalak euskaraz eta pantaila handian ikusteko asteazken honetan EITBren Bilboko egoitzako Multibox aretoan, 18:00etatik aurrera, Joseba Olagaraik aurkeztuta, ondorioztatu dute azkenik.