Abuztuaren 25etik 29ra bitartean egin den “Kazetaritza, bertatik bertara” ekimenaren hamaikagarren edizioak arrakasta handia izan du. 8.900 pertsona baino gehiago joan dira jardueretara eta, horrenbestez, igoera txiki bat izan da iaz izandako 8.890eko errekorrarekin alderatuta. Beste behin ere, hitzaldiak eta mahai-inguruak izan dira jardunaldien ardatz nagusiak. Guztira 2.789 parte-hartzaile bildu dira, eta behin baino gehiagotan Europa Jauregian areto gehigarriak prestatu behar izan dira interesa zuten pertsona guztiak hartzeko.
Zinema-zikloari dagokionez, asistentzia oso handia izan da (2017tik izandako handiena) eta batez beste saio bakoitzean 190 pertsona bildu dira.
Hala gertatu zen, adibidez, Jesus Nuñez Villaverde nazioarteko harremanetan adituaren konferentzian, 588 parte-hartzaile bildu baitziren Ukrainan, Gazan eta Iranen bakerako dauden aukerei buruz egindako azterketa entzuteko. Francisco de Vitoria auditoriuma ere txiki geratu zen Pablo Rodríguez Suanzes El Mundo egunkariak Washingtonen duen korrespontsalak Donald Trump berriro ere AEBko presidente bihurtu izanak ekarri dituen aldaketei buruz emandako hitzaldian. 561 lagun bildu ziren. Partaideen kopurua dela eta, gainera, aipatu beharrekoak dira El (des)orden mundial mahai-ingurua (412 parte-hartzaile) eta Afrikako lidergo berriei buruz Hilária Vianekek eskainitako hitzaldia (350 parte-hartzaile).
ZINEMA-ZIKLOA
Zinema-zikloari dagokionez, asistentzia oso handia izan da (2017tik izandako handiena) eta batez beste saio bakoitzean 190 pertsona bildu dira. Horien artean, No Other Land dokumentala nabarmendu behar da. 291 ikusle bildu ditu, bi aretotan banatuta, eta programaren hamaika edizioetan jende gehien elkartu duen filma izan da. Bestalde, Sergi Cámararen Éxodos argazki-erakusketa bisitari ugari erakartzen ari da Gasteiz hiribidera, Europa Jauregiaren ondoan. Erakusketa bertan egongo da irailaren 15era arte.
