Emakumeek gizonek baino lan-baldintza okerragoetan lan egiten jarraitzen dute. Arazo horretan aurrera egitea borroka handia da gizarte osoarentzat, urtez urte gerran jarraitzen baitu. Izan ere, aurreko urteekin alderatuta, emakumeen egoera nabarmen hobetu da lan-munduan, gero eta emakume gehiago ari direlako lanean, eta, gainera, gero eta emakume gehiago dagoelako politikan edo goi-karguetan, hala nola enpresa bateko zuzendaritzan. Hala ere, datuek, zenbakiek eta estatistikek erakusten dute oraindik ere bide gogorra dagoela egiteko lan-munduan emakumeen eta gizonen arteko erabateko berdintasuna lortzeko. Estatistika desberdinek horrela frogatzen jarraitzen dute. Adibidez, Eustat Euskal Estatistika Erakundeak arazo horri buruz egindako azken estatistikaren arabera, emakumeen lan-baldintzak okerragoak izaten jarraitzen dute gizonezko lan baldintzekin konparatuz.

Zehazki, Emakume gehienek gizonezkoek baino lan-baldintza kaskarragoak dituzte oraindik. Historikoki hori beti izan da horrela, baina azken urteotan emakumeak indarra eta bultzada hartu ditu lan merkatuan. Hala ere, oraindik bide luzea dago egiteko, gehienetan, emakumeek gizonen lan-baldintza berak lor ditzaten. Izan ere, lan asko, hala nola garbiketa, oraindik ere emakumeek egiten dituzte. “Emakume landunen lan-baldintzak batez besteko biztanleriarenak baino ezegonkorragoak dira honako alderdi esanguratsu hauetan, besteak beste: kontratu mota, lanaldia edo ordutegi aldeko malgutasuna”, azaltzen dute txostenean. Hala, eta ildo beretik jarraituz, txosteneko datuen arabera, Euskal Autonomia Erkidegoan emakumeen % 28k denbora partzialean lan egiten du, eta, gizonen kasuan, % 9k (2020). Gainera, asteburuko lanak “beti” du eragina emakumeen % 18an eta, gizonen kasuan, % 10ean, eta sei eta zazpi egun bitarteko lanaldia emakumeen % 18k egiten dute eta gizonen % 13k. Lanetik irteteko ordutegi aldetiko malgutasuna dela eta, emakume landunen % 29,3k baliatzen dute, eta gizon landunen % 35ek, eta etxean lan egiten duten emakumeak gehiago dira. “Pandemiak ekarri zuen telelanaren gorakadaren ondorioz, emakumeek etxetik egunen erdia egiten dute lan; 2019an % 6,1ek eta, 2020an, % 11,7k”, gaineratzen dute.

Bestalde, txostenak dakarrenaren arabera, ezegonkortasun handiagoa dagoela erakusten du honako datu honek ere: “emakumeetan aldi baterakotasuna handiagoa da”. Aldi baterako kontratua duten soldatako langile landunen kopuruak gora egin du 2016aren eta 2021aren artean, eta aldi baterakotasunaren intzidentzia handiagoa izan da eta da emakumeen artean gizonen artean baino.

“Kolektibo zehatz bati begiratzen badiogu, etxeko enplegatuei, besteak beste, sektoreko enpleguak erakusten du enplegatu baino askoz ere lanpostu gehiago daudela, 76.700 lanpostu eta 57.560 enplegatu, eta askoz ere gutxiago denbora osoan, 30.123, (2019); zifra horiek erakusten dute sarritan etxe-langileek, emakumeen % 90ek, lanpostu bat baino gehiago betetzen dutela eta lanaldi partzialetan lan egiten dutela”, gaineratzen dute. Azkenik, lan-jarduera duten emakumeak kopuru osoaren % 47 dira eta gizonak, % 55, eta gehiegizko ordezkaritza dute zainketa-lanetan, bai ordainpekoetan (emakumezkoen enpleguaren % 77 zainketetara lotuta dago, hala nola osasun-arloko, gizarte-zerbitzuetako eta hezkuntzako zainketetara) bai ordainik gabekoetan; gizonek, berriz, oso ordezkaritza baxua dute.