Azaroan dirubilketa metatua 2.488,7 milioi eurora iritsi da

 Aurten 131,1 milioi euro gehiago bildu dira, aurreko urteko aldi berarekin alderatuta, eta horri esker dirubilketa metatua 2.488,7 milioi eurora iritsi da.

Dirubilketaren joera positibo hori % 5,6ko hazkundean islatzen da, aurreko urteko azarora arte lortutakoarekin alderatuta.

Urte osoan zehar adierazitako dirubilketa positiborako joera berriro islatu da azaroko dirubilketa metatuan.

Azaroan lortutako dirubilketak zuzeneko eta zeharkako zergen portaera desberdina erakusten du. Hala, zuzeneko zergen bilakaerak % 11,7ko igoera izan du dirubilketa metatuan, aurreko urtekoarekin alderatuta, eta 2.488,7 milioi eurora iritsi da. Zeharkako zergek, bestalde, bilakaera positiboa izan dute, baina hazkunde apalagoa izan dute, % 0,6koa.

Guztira, zuzeneko zergen bidez 1.300,8 milioi euro bildu dira, eta zeharkako zergen bidez, berriz, 937,4 milioi euro.

ZUZENEKO ZERGAK: 1.300,8 milioi euro (% 11,7)

PFEZ: 946,9 milioi (% 8,1)

Berriro ere, lan atxikipenek PFEZaren eragilea izan dira eta metatutako dirubilketa 904,7 milioi euro izan da, hau da, aurreko urtean baino 63 milioi euro gehiago, % 7,5eko igoerarekin. Enpleguaren bilakaera positiboak eta soldaten goranzko berrikuspenak elikatu dute joera hori.

PFEZaren kuotaren bigarren ordainketa kobratu ondoren, PFEZaren kuota diferentzialaren kontzeptuari dagokionez, aurreko urteko aldi berean baino 7,7 milioi euro gehiago itzuli dira guztira, hau da, aurreko urtean baino % 76,1 gehiago.

PFEZaren dirubilketa bilakaera ona izan da, zeina 946,9 milioi euroko dirubilketa metatuan gauzatu baita. Horrek esan nahi du kontzeptu hori % 8,1 igo dela aurreko urtean guztira metatutakoarekin alderatuta.

SOZIETATEEN GAINEKO ZERGA: 297,7 milioi (% 25,4)

Zerga horrek 297,7 milioi euroko dirubilketa metatua izan du; zehazki, iazko aldi berean baino 60,3 milioi euro gehiago bildu dira.

Portzentajezko igoera % 25,4 izan da.

ZEHARKAKO ZERGAK: 937,4 milioi euro (% 0,6)

Zeharkako zergen kontzeptu nagusiek kontrako zeinuak dituzte joeran. Oro har, zeharkako zergek % 0,6ko igoera izan dute dirubilketan, aurreko urtearen aldean.

Horrela, BEZak % 0,7ko igoera txikia izan du, eta hidrokarburoen gaineko zergak % 4,7ko jaitsiera.

BEZa: 627,4 milioi euro (% 0,7)

Zerga horren dirubilketak izan duen igoera txikiak 627,4 milioi euro ekarri ditu, guztira, zehazki, iaz baino 4,1 milioi euro gehiago.

HIDROKARBUROAK: 200,9 milioi euro (-% 4,7)

200,9 milioi eurorekin, % 4,7ko jaitsiera gertatu da, aurreko urtean baino 9,9 milioi euro gutxiago bildu baitira.