Okzitaniera, euskararekin parez-pare

Hizkuntzalari askoren arabera, okzitaniera izenaren baitan, Bizkaiko Golkotik Italiako Alpeetaraino, Frantziako hegoaldean zehar, hitz egiten diren hizkerak biltzen dira. Eta hizkuntza berori gonbidatu du aurtengo Durangoko Azokara Gerediaga elkarteak. Egunotan “okzitaniar hizkuntza eta kulturan sakonduko dugu”, adierazi dutenez. Euskararen mugakide eta bizikide den kultura eta hizkuntza gutxitua izaki, Lapurdin eta Nafarroa Beherean badu bere presentzia. “Hala ere, ezezagunak dira askorentzat”, esan dute.

Presigiodun hizkuntza Okzitaniera, egun hizkuntza gutxitua izan arren, Nafarroako Erresuma desagertu baino lehenagoko garaietan agiri ofizialen idazketan gaztelania ordezkatu zuen. Erdi Aroan, literatura eta kulturan prestigioduna zen okzitaniera.