- Gasteizko Elizbarrutiak eta Manos Unidas gobernuz kanpoko erakundeak atzo ohartarazi zutenez, “gosea eta pobrezia areagotu daitezke gure axolagabekeriagatik”. Manos Unidas Elizaren GKE da, eta gosearen eta desberdintasunaren aurka borrokatzen da planetako eremu hondatuenetan eta baztertuenetan. Gaur egun 6.344 boluntario ditu herrialde osoan zehar eta 2010ean Asturiasko Printzea saria jaso zuen. 1955ean sortu zuen emakume katoliko talde batek, munduan milioika pertsonak pasatzen zuten elikadura beharraz kon-tzientziatuta. 1959an Gosearen aurkako lehen Kanpaina egin zuten, eta 2022an 63. ediziora iritsi ziren, Arabako gizarteari zuzendutako mezu batekin.
Hala, Afrikako, Asiako eta Latinoamerikako herrialdeetako gose-egoeraren aurrean axolagabe ez jokatzeko eskatu dute orain. Nora Aguirre da GKE katoliko horren presidentea Gasteizen, eta, “axolagabekeria horren aurrean”, munduko goseari eta pobreziari amaiera emateko eskatu die arabar guztiei. Igande honetan GKE horreneguna izango da eta, horregatik, Gasteizko Elizbarrutia “Gasteizen dagoen GKE honen laguntzan murgilduko da, gosearen eta pobreziaren aurkako borrokan gure probintziatik laguntzen duten bi dozena boluntario baino gehiagorekin”, azaldu zuten.
Hala, ostiralean hasiko da kanpaina, eta arabar guztiak gonbidatu ditu borondatezko barau batera, pobretutako pertsona guztiekin bat egiteko. “Munduan 800 milioi pertsonak baino gehiagok duten errealitateari buruz sentsibilizatu nahi dugu, jatea ez baita ordutegi-kontua, behar-beharrezkoa baizik”.Halaber, Agirrek otsailaren 11n (ostirala), 19:30ean, beste keinu solidario batean parte hartzera gonbidatu du. Ekintza horretan, “San Mateo eta Los Angeles parrokiek gose-afariak egingo dituzte, eta mahai batean eserita daudenek ogi, olio eta laranja pixka bat afalduko dute, jende askok egun oso batean jaten duen menua”, ondorioztatu du.
Horrela, Gasteizko Elizbarrutiak herritar guztiak animatzen ditu sentsibilizazio-ekintza horietan parte hartzera, egoera honen aurrean sentsibilizatuta egoteko.
