Helburu nagusia argia da: erakundearen eta herritarren arteko komunikazioa hobetzea. Eta, oraingoz, lortzen ari da. Arabako Foru Aldundiak sortutako laguntzaile birtualak (IBM Garageren laguntzarekin) aurrera egiten jarraitzen du. Gaur egun, erakunde publiko horrek atzo jakinarazi zuenez, adimen artifizialarekin indartutako elkarrizketarako laguntzaile honek hilean 2.000 elkarrizketa baino gehiago egin ditu. Zehazki, "hilean 2.000 elkarrizketa baino gehiago izaten ari da, araba.eus web orria bisitatzen duten pertsonei hainbat administrazio izapide egiten laguntzeko", adierazi zutenez.
Hala, eta ildo horretatik jarraituz, iturri berberek jakinarazi zutenez, hilabete hauetan, tresna eboluzionatu egin da, interakzioetatik ikasiz, erantzun eskuragarrien kopurua handituz eta arintasuna areagotuz bisitariei konponbideak eskaintzeko orduan. "IBMren Watson Assistant eta Watson Discovery adimen artifizialaren ezarpenari esker lortu da hori", gaineratu zuten. Izan ere, Watson Assistant-ek adimen artifiziala erabiltzen du herritarren beharrak ulertzeko, eta, hala, erantzun "azkarrak, koherenteak eta zeha-tzak" ematen dizkie herritarren galderei, aldez aurretik trebatuta, arabarren eskakizunei erantzun ahal izateko. Ildo horretan, zehaztu zutenez, Watson Discoveryk jauzi kualitatibo bat eman du, laguntzaileari aukera ematen baitio herritarren galdera zuzenak eta zeharkakoak bilatzeko. Biltegi-eredu bat du, elikatzen eta zabaltzen joan daitekeena, eta horrek esan nahi du laguntzailea ez dela entrenatu behar. Hau da, laguntzailearen funtzionamendu horrek hazteko aukera ematen dio zerbitzuari: "Watson Discovery, berriz, jauzi kualitatiboa da laguntzaile kognitiboen beste eredu batzuekin; izan ere, laguntzaileari aukera ematen dio herritarren zuzeneko eta zeharkako galderen bilaketak egiteko, gordailu eredu baten bidez, zeinak elikatzen eta zabaltzen joan baitaitezke, laguntzailea berriz entrenatu gabe. Gaitasun horrek herritarrei begira hazteko aukera ematen dio zerbitzuari". Lagun-tzailea abian jartzeko, IBMren Garage bat jarri zen abian. Inkubazio espazio hori konpainia teknologikoak erabiltzen du bezeroei laguntzeko zerbitzu gisa, teknologiak eta metodologiak garatzen laguntzeko helburuarekin. "AKSAko langileek Garage-n lan egin zuten IBMko langileen laguntzarekin, eta hilabete eskasean garatu eta abian jarri zuten laguntzailea", nabaritu zutenez.
Ildo beretik, Arabako Foru Aldundiko Laguntzaile Birtuala Arabako Foru Aldundiaren zerbitzu digitalen estrategiaren barruko ekintza gisa jarri da abian; izan ere, foru aldundiaren web orrira hurbiltzen diren pertsonen esperientzia optimizatu zezaketen zenbait ekintza identifikatu zituen. Hortxe egin du lan intentsiboki erakundeak, Arabako Kalkulu Gunearekin (AKSA) batera, "2018an atari berri bat garatuz eta laguntzaile birtual berri hau abiaraziz, besteak beste".
"Emaitza jauzi kualitatiboa da herritarrarentzat eta Arabako Aldundiarentzat berarentzat, administrazio publikoa den aldetik; izan ere, zerbitzu publikoa hobetzeaz gain, herritarrei arreta emateko orduan malgutasun eta kidetasun handiagoa eskaintzen duelako, denbora eta kostuak aurreztea dakar, lortutako eraginkortasun handiagoaren ondorioz", azpimarratu zuten Arabako Foru Aldundiatik.
Malgutasun eta kidetasun horren bila, erakunde publikotik lan egin dute laguntzaile birtual horrek euskaraz edo gaztelaniaz erantzuteko behar diren hizkuntza-trebetasunak izan di-tzan, herritarren lehentasunen arabera: "Arabako Foru Aldundiak ahalegina egin du, gainera, Lagun-tzaile Birtualari erabiltzaile bakoi-tzari aldi berean euskaraz eta gaztelaniaz erantzuteko behar diren hizkuntza trebetasunak emateko, eta horrek herritarrekiko komunikazioa errazten du, une bakoitzean erabili nahi den hizkuntza edozein dela ere". Laguntzaile birtuala, hasieran, herritarrei BAK -lineako izapideak egin ahal izateko doako identifikazio eta sinadura elektronikorako tresna bat- kudeatzen eta izapidetzen laguntzeko sortu zen, eta "herritarren arretan hazteko potentzial handia du, Watson teknologia bere gaitasunetan erabiltzen duelako. Garatzeko aukera hori oso erabilgarria izango da Arabako Foru Aldundiaren zerbitzu digitalen estrategiarako", azpimarratu zutenez.
Azkenik, nabarmendu behar da lan hau herritarrentzako zerbitzu digitalen diseinuan baliabideak optimizatzeko estrategiaren barruan sartzen dela. Izan ere, lau eta bat arteko ideiari eusten zaio. "4-1 ideiari eusten zaio oraindik ere, 4 aldiz handiagoa baita zerbitzua hobetzeko ahalegina, erabilgarriagoa izan dadin (UX - User Experience) eta laguntza gutxiago behar izan dezan", esan eta gaineratu zuten: "Hartara, laguntzaile birtualaren bilakaera neurtuagoa izango da zerbitzu digitalen bilakaera azkarragoa izan dadin eta pertsonek ahalegin txikiagoa egin behar izan dezaten haien erabileran".Halaber, Arabako Foru Aldundia aztertzen ari da adimen artifiziala erabiltzeko beste eremu batzuk, bere osotasunean hobetzeko.
Egindako lana. Helburu nagusia argia da: erakundearen eta herritarren arteko komunikazioa hobetzea. Eta, oraingoz, lortzen ari da. Arabako Foru Aldundiak sortutako laguntzaile birtualak (IBM Garageren laguntzarekin) aurrera egiten jarraitzen du. Gaur egun, erakunde publiko horrek atzo jakinarazi zuenez, adimen artifizialarekin indartutako elkarrizketarako laguntzaile honek hilean 2.000 elkarrizketa baino gehiago egin ditu. Zehazki, "hilean 2.000 elkarrizketa baino gehiago izaten ari da, araba.eus web orria bisitatzen duten pertsonei hainbat administrazio izapide egiten laguntzeko", adierazi zutenez.
Laguntzaile birtuala. Malgutasun eta kidetasun horren bila, erakunde publikotik lan egin dute laguntzaile birtual horrek euskaraz edo gaztelaniaz erantzuteko behar diren hizkuntza-trebetasunak izan ditzan, herritarren lehentasunen arabera: "Arabako Foru Aldundiak ahalegina egin du, gainera, Laguntzaile Birtualari erabiltzaile bakoitzari aldi berean euskaraz eta gaztelaniaz erantzuteko behar diren hizkuntza trebetasunak emateko, eta horrek herritarrekiko komunikazioa errazten du, une bakoitzean erabili nahi den hizkuntza edozein dela ere". Laguntzaile birtuala, hasieran, herritarrei BAK -lineako izapideak egin ahal izateko doako identifikazio eta sinadura elektronikorako tresna bat- kudeatzen eta izapidetzen laguntzeko sortu zen.
