Laguntza behar dute eguneko 24 orduetan, asteko 168 orduetan. Hala gogorarazi zuten atzo Aspace Garuneko Paralisia elkarteak gaixotasun horren nazioarteko egunean.“Urtero, urriaren 6an, Garun Paralisiaren Nazioarteko Eguna ospatzen dugu. Egun honetan aldarrikatu edo defendatu egiten ditugu munduko egunaren gaineko eskubideak. Aspace mugimenduan manifestu bat argitaratu dugu, gizarteak garun-paralisia eta lagun-tza-behar handiak dituzten pertsonak ezagutu ditzan”, azpimarratu zuten atzo.
Ildo horretatik, Aspacek azpimarratu zuen beharrezkoa dela gaixotasun hori ikusaraztea, gizarte osoak ezagutu ditzan garuneko paralisia duen pertsona batek bere bizitzan behar dituen beharrak. “Espainian, garun-paralisia duten 120.000 pertsona bizi gara. Gehienek egunero behar izaten ditugu beste pertsona batzuen laguntza; goizez, arratsaldez eta gauez. Altxa-tzeko laguntza behar dugu. Janzteko, jateko eta edateko. Mugi-tzeko edo esertzeko ere laguntza behar dugu”, azaldu zuten. “Pasea-tzeko eta jolasteko laguntza behar dugu. Atseden hartzeko eta senti-tzeko. Parte hartzeko eta erabaki-tzeko. Edozertarako. Denbora guztian. Bizitza osoan”, erantsi zuten.
Horregatik, atzo gogorarazi zuten laguntza behar dutela etengabe, baina gogorarazi zuten, halaber, laguntza hori hainbat motatakoa dela. Ez bakarrik mugitzeko, baita eguneroko alderdi batzuk ulertzeko ere, adibidez. “Laguntza-premia handiak ditugunok laguntza horiek guztiak behar ditugu, gizartearekin bat egiteko”, zehaztu zuten. Ildo horretan, nabarmendu zuten garrantzitsua dela gizarte osoak, oro har eta banan-banan, gaixo horien eskubideak eta premiak ezagutzea, haien bizi-eskubideak urra ez daitezen. “Garun-paralisia duten pertsonok behar ditugun laguntzak jasotzen ez baditugu, gure eskubideak urratzen dira”.Ildo horretatik, Aspacek azpimarratu zuen gaixotasun hori ikusarazten jarraitu behar dela. “Gure familietan, amek zain-tzen dituzte garuneko paralisia eta laguntza-behar handiak dituzten pertsonak. Zainketa horiek ahalegin ekonomiko eta psikologiko handiagoa eskatzen diete familiei. Hazi ahala, familiak bakarrik egoten dira, eta beldur gehiago izaten diote etorkizunari”.
Atzo argitaratu zuen manifestuan, aita batek dituen emozioen berri ere eman zuten. “Gure gurasoek beldurra dute, badakitelako egun batean ezin izango gaituztela zaindu. Laguntza-behar handiak dituzten seme-alabak beldur gara, badakigulako egun batean gure gurasoak ez direla gure ondoan egongo. Lagun-tza behar handiak dituzten pertsonek parte hartu nahi dugu eta har dezakegu”, esaten dute.
Horregatik guztiagatik, atzo ospatu zen nazioarteko egunean, gaixoek gizartearen ikuspen eta laguntza handiagoa eskatu zuten. Zehaztu zuten, halaber, laguntza horren zati bat gurasoek beren seme-alabei ematen dieten eguneroko lanean laguntzen duten laguntzaile pertsonalei esker ematen dela. “Haiei esker, garun-paralisia duten pertsonek geure erabakiak har ditzakegu”, ondorioztatu zuten.
Ikuspena. Atzo ospatu zen garuneko paralisia duten pertsonen nazioarteko eguna. Aspace mugimenduak manifestuarekin bat egin zuen, eta, lehen pertsonan, garun-paralisia duten pertsonek ikuspen handiagoa behar dutela azaldu zuten, gizarteak ez ahazteko. Mugimendu horretatik, kideek ziurtatu zuten ezinbestekoa dela gaixotasun horren arreta beharrak ezagutzea, baita parte hartzeko eskubidea ere. Familientzako laguntza sozial eta ekonomikoak gehitzea garrantzi-tsua dela ere zehaztu zuten. “Gure familiek arazo ekonomiko eta psikologiko gutxiago izan dezaten”, eskatu zuten. “Arreta, laguntza eta zainketa zentroetan eta zerbitzuetan plaza gehiago jarri behar ditugu bizitza osoan. Baliabide horiek funts publikoekin finantzatu behar dira. Horrela, gure familiek ez dituzte baliabide horiek ordaindu behar”, eskatu zuten. Jasaten duten diskriminazioari aurre egiteko ekintzak ere sustatzea eskatu zuten, bereziki emakumeentzat.
