Programatutako udal kirol ikastaroak mantentzen dira

- Aldaketak egin dira segurtasuna bermatzeko, baina aurrera jarraitzen dute. Atzo Gasteizko Udalak jakinarazi zuen bezala, Udalak antolatutako ia kirol-jarduera guztiak mantentzen dira. Hala ere, azpimarratu zuten ikastaro horiek Eusko Jaurlaritzak koronabirusaren hedapena geldiarazteko ezarritako prebentzio eta segurtasun neurri berrietara egokituko direla.

Adibidez, aldaketa berri horien artean ordutegiak daude; hemendik aurrera, gizarte-etxeetan programatutako ikastaro horiek amaitzeko ordutegia aurreratuko da, eta beranduenez gaueko bederatzietan amaituko dira. “Ordutegiari dagokionez, 41 ikastaro moldatu behar izan dira egoera berrira, 21:00etaik aurrera programatuta zeudenez gero. Bat izan ezik, beste guztiak mantentzea lortu da, hasiera- eta bukaera-orduak aldatuz”, azaldu zuten Gasteizko Udaletik atzo. Gainera, edukiera askoz txikiagoa izango dute, % 40koa. Horrela, eta aldaketa horiei esker, Urtaranen taldeak ia ikasturte guztiak mantentzea lortu du. “Edukieraren %40 gainditzen zuten jardueren kasuan, azalera handiagoko espazioetan alternatibak bilatu dira, eta mugetara egokitzeko ikastaroak ere banatu dira”, azaldu zuten.

Hala ere, Aldabe, Salburua eta Iparraldeko gizarte etxeetako ikastaro zehatz batzuetan beharrezkoa izan da izena eman duten pertsona batzuei baja ematea. Bestalde, dutxak itxita egongo dira azaroaren 7tik aurrera, eta aldagelak behar zehatzetarako baino ez dira erabiliko. Gainera, maskara nahitaezkoa da beti.