Bilboko Ingeniaritza Eskolako Formula Student Bizkaia taldeak uztailan Silverstonen ospatu den Formula Student 2025 lehiaketa ingelesa irabazi du. Ikasleek diseinatu duten eserleku bakarreko ibilgailu elektrikoari esker, EHUk bere lehen titulua lortu du. Izan ere, urtero, parte-hartzaileek ikasturte osoa ematen dute ibilgailua zerotik diseinatzen eta eraikitzen.
Hala, eta ildo horretatik jarraituz, EHUtik azpimarratu dutenez, taldea 50 ikaslek eta 4 irakaslek osatzen dute. Kontrol aurreratuko sistemak dituen ibilgailu elektriko batekin parte hartu zuten, potentzia lehiaketako proba bakoitzean modu optimoan banatzeko. Gainera, material aurreratuekin (karbono-zuntza) eta fabrikazio-metodo aurreratuekin (metalaren fabrikazio gehigarria) fabrikatu dute, autoa sendoa eta, aldi berean, arina izan dadin.
Unibertsitate lehiaketa hau munduan egiten direnen artean ezagunena da, eta Ingalaterrako Silverstone zirkuituan lehiatzen den lehiaketa-auto baten diseinuan eta fabrikazioan datza.
Formula Student Spain
EHUko ikasleak abuztuan Bartzelonako Zirkuituan egingo den Formula Student Spain lehiaketarako prestatzen ari dira orain. 2010etik lehiatzen da eta EHUko taldea edizio guztietan egon da. "Guretzat Spain tokiko txapelketa da, denboraldiari amaiera bikaina jartzen diona. Azkenaldian oso lehiaketa zaila bihurtu da, parte hartzen duten taldeen (alemaniarrak, ingelesak, suediarrak...) goi mailagatik. Konpetentzia handia dago", azaldu du Javier Corral Formula Student Bizkaiako irakasleak.
