Huhezinema 19. Euskal Film Laburren Jaialdira lana aurkezteko epea azaroaren 16ra arte dago zabalik

Mondragon Unibertsitateko Humanitate eta Hezkuntza Zientzien Fakultateak (Huhezi) ireki da Huhezinema Euskal Film Laburren Jaialdiko 19. edizioan parte hartzeko epea, eta lanak aurkezteko azken eguna azaroaren 16a izango da.

Antolatzailek jakinarazi dutenez, jaialdia 2026ko urtarrilaren 21etik 23ra ospatuko da, Aretxabaletako (Gipuzkoa) Arkupe kultur etxeko zineman. Jaialdi hau besteengandik bereizten duen ezaugarri nagusia da Mondragon Unibertsitateko Ikus-entzunezko Komunikazioa graduko ikasle talde berri batek hartzen duela parte urtero antolakuntzan.

LEHIAKETA

Lehiaketan parte hartzeko, https://docs.google.com/forms/d/e/1FAIpQLSewRfl7vc73hhGSsEEV... esteka dagoen galdetegia bete behar da, eta lanak bidaltzeko epea azaroaren 16an itxiko da.

Sail Ofizialerako hautatutako finalista bakoitzak 150 euro jasoko ditu hautatua izateagatik. Huhezinema saria 650 eurokoa izango da, eta ikusleena 100 euroan baloratutako saria.

Hala, eta ildo horretatikjarraituz, bertatik azpimarratu duten bezala, ikasleen Sailari dagokionez, ikasle film onenak 300 euro jasoko du, MU sariak 200 euro emango dizkio Mondragon Unibertsitateko ikasleek egindako lan onenari, eta ikusleen saria 100 euroan baloratutakoa izango da.

Hirugarrenik, Bideoklip Sailean, bideoklip onenak 300 euroko saria eskuratuko du, eta ikusleena 100 euroan baloratutakoa izango da. Era berean, baliteke sari gehiago egotea, beti ere babesle gehiagoren laguntza jasoz gero, ondorioztatu dute azkenik antolatzaileek prentsa-ohar baten bitartez.