Ertzaintzako Gabonetako Postalen Haurrentzako I. Lehiaketaren emaitzak

Lehiaketaren lehenengo edizioa egin da eta ertzainen familiartekoak diren 32 neska-mutilek parte hartu dute guztira.

Hala, Eusko Jaurlaritzaren Segurtasun Sailetik azpimarratu dutenez, lanak bi kategoriatan banatu dira: bat 8 urtera artekoa eta bestea 9 urtetik 14 urtera artekoa. "Kategoria bakoitzeko irabazlea Ertzaintzako instalazioetara egindako bisitarekin sarituko da, eta, gainera, marrazkiek Ertzaintzaren gabonetako postal ofiziala osatuko dute", azaldu dute Ertzaintzatik.

"Lanak entregatzeko epea amaitu ondoren, Ertzaintzako Gabonetako Postalen Haurrentzako I. Lehiaketako bi kategorietako, 0 urtetik 8 urtera arteko eta 9 urtetik 14 urtera arteko, saridunak jakinarazi dira", azpimarratu dute iturri berberek.

Bi irabazleei Ertzaintzako espezialitateetako batzuetan, besteak beste, Zaintza eta Erreskate Unitatean edo Txakur Unitatean, egiten duten lana ezagutzeko bisita oparituko zaie, eta bertan opari batzuk emango dizkiete.

Horrela, ildo beretik, beste opari bat egongo da, umeentzako berezia izango dena. "Horrez gainera, bi marrazkiak Ertzaintzak aurtengo gabonetako jaiak zoriontzeko erabiliko duen postal elektroniko ofizialean agertuko dira", hain justu, Ertzaintzatik azpimarratu zutenez.

Azkenik, aipatzekoa da lehen edizioa izan dela hau baina oso harrera ona izan duen lehen edizio bat izan da, Eusko Jaurlaritzak azpimarratu duenez, "Lehenengo edizioa izan arren, lehiaketak harrera ona izan du ertzainen familiarteko gazteenen artean, bi kategorien artean 32 lan aurkeztu baitira guztira", ondorioztatu zuten.