ai, asmatu duzue. Azaroaren 2an eta Gabonetan gaudela esan dezakegu. Agerikoa da. Hilabete daramagu turroi eta polboroiekin supermerkatuetako apalak betetzen, jostailu-dendetan kanpaina abian jarri da. Izan ere, horniduren mundu-mailako krisia eta edukiontzien garraioan dauden arazoak direla eta, produktuen eskasia handiagoa izango dela aurreikusten da. Horren ondorioz, zuhurrenek erosketak aurreratzea erabaki dute, urrira! Bitartean, argiak instalatuta daude jadanik (momentuz, itzalita); Floridako jaiotza forma hartzen ari da; eta El Corte Ingleseko fatxada nagusiaren ohiko pizterako atzerako kontaketa hasi da. Bere aldetik, Udalak adierazi du Gabonetako apainketa eta argiztapena azaroaren 26ra aurreratzen dela. Beraz, hemen dago. Gustatu zein ez, Gabonak ia bi hilabetez geratzeko iritsi dira. Beharbada, goiz samar da, bai, baina egia esateko, iazkoak nolakoak izan ziren kontuan izanda, ez dago gaizki alaituko gaituen gabon giroa arnasten hastea. Beraz, badakizue, zuhai-tza trastelekutik jaisteko garaia da. Eta oraindik argudio gehiago nahi baduzue, esango dizuet Journal of Environmental Psychology aldizkariak argitaratutako ikerketa batek jakinarazi duela abendura arte etxea Gabonetako apaingarriekin apaintzeko itxaron ezin duten pertsonak zoriontsuagoak eta baikorragoak direla.
