aur dantzaren nazioarteko eguna da. San Prudentzio eta Estibalizko Andre Mariaren zubian, arabarrok data hau ospatzeko modu propioa dugu. Zein polita den dantzariak gure dantza tradizionalenak oinarri hartuta koreografia originalak sortzen ikustea. Tronpeten, txistuen eta danborren erritmoan, mugimendua erraietatik sortzen da, eta nekez deskriba daitekeen zoriona sortzen du. Pertsona bakoitzak dantzan eta kantuan eman beharko luke egunaren zati bat. Ez dago zergatik profesionala izan behar. Geure buruaz gozatzea da kontua. Bizitzak guretzat prestatuta dituen erronkei aurre egiten lagunduko liguketen endorfinak sortzea, alegia. Goiz batean baxu sentitzen bazara, dutxan abestu, gosaria prestatzen duzun bitartean edo etxea jasotzen duzun bitartean dantzatu. Ahal duzun neurrian, kontzertuetara, errezitaldietara eta hitzaldietara joan zaitez. Eman izena dantza edo kantu klaseetan edo ikasi instrumenturen bat jotzen. Artea zoriontasuna da. Entzun zure barruan sortzen den energia. Ikusiko duzu nola hobeto sentitzen zaren. Terapia horiek gizartea zoriontsuagoa izatea lortuko lukete. Eta gizarte zoriontsu batekin mundua askoz hobea izango litzateke. Anima zaitez nire aholkua jarraitzera. Ziur nago egun euritsuetan eguzkia aterako dela berriro.
