Valderejoko Parke Naturalak 22. oinezko matxan herrikoia egingo du datorren igandean

Valderejoko (Araba) Parke Naturalak oinezko martxa herrikoiaren 22. aldia egingo du datorren igandean, urriaren 26an, eta herritarrak gonbidatu ditu bertako baliabide natural eta kulturalak ezagutzera, Arabako Foru Aldunditik jakinarazi dutenez.

Aurreko urtean bezala, bi ibilbide diseinatu dira: luzea eta familiarra. Ibilbide luzea 09:00etan hasiko da (08:40an dortsal banaketa), eta 21,2 kilometroko distantzia eta 844 metroko desnibela ditu.

Ibilbide familiarra, aldiz, 10:30ean hasiko da eta 10,4 kilometroko distantzia eta 418 metroko desnibela ditu. Haurrak dituzten familientzako edota martxa lasaiagoa nahi duten parte hartzaileentzat pentsatuta dago, eta bilaketa jolas bat ere izango du, parte hartzaileek martxan zehar eremua ikuska dezaten.

Ibilaldia amaitu ondoren, parte hartzaileek opari bana jasoko dute Parketxean, dortsala ematean. Tokiko produktuen zozketa ere egingo da dortsalen zenbakien artean.

Ibilaldiak 300 parte hartzaile izango ditu gehienez, eta aldez aurretik izena eman beharko da web orrian agertzen den formularioan, bi ibilaldietako zeinetan parte hartuko den adieraziz.

Ekitaldi eta ibilbideei buruzko informazio gehiago https://valderejoparkea.eus/eu/valderejo-ibialdia webgunean jaso daiteke.

BESTE GAI BATZUK

Bestalde, Vitoria-Gasteiz datorren larunbatean, urriak 25, Espainiako emakumeen boxeoaren gune nagusi izango da, Iberdrola Kopa 2025 ospetsua hartuko baitu. Estatuko emakume boxeolaririk nabarmenenak bilduko ditu ekitaldiak, eta Mendizorrotzako kiroldegian goi mailako ikuskizuna izatea bermatzen du zortzi pisu kategoriatako borroka paregabeen bidez.

Ekitaldi horren aurkezpena egin dute prentsaurrekoan Ana del Val Kultura eta Kirol Saileko foru diputatuak, Ana López Uralde kirol eta osasun arloko zinegotziak eta Bartolomé Torralba Arabako Boxeo Federazioko gerentea.

Lehiaketa Espainiako Boxeo Errege Federazioak antolatu zuen, nagusiki Iberdrolaren babesletzarekin, eta eta funtsezko hitzordu gisa finkatu da kirol egutegian. Txapelketa eliteko emakume boxeolariei Espainian lehiaketa gehiago eskaintzeko sortu zen, etorkizunean Espainian eta nazioartean egiten diren hitzorduetan esperientzia erabakigarria irabazteko aukera emate aldera.