Game.eus bideojokoen kampusean bizkortutako proiektuak stand propioarekin erakutsiko dira sektoreko Europako azoka garrantzitsuenetan

GAME.EUS bideojokoen azeleragailu-campusaren VI. edizioa ofizialki aurkeztu da gaur, berrikuntza garrantzitsuekin, parte hartzen duten taldeen aukera profesionalak areagotzeko eta, horrela, Euskadiko sektorea indartzeko. Hiru euskal taldek, bata katalana eta bestea galiziarra, osatzen dute programa trinko hau, ekainaren 10etik uztailaren 23ra bitartean, Gasteizko Unibertsitatean (EUNEIZ). Oraingo honetan, azeleratutako bost proiektuak stand propioarekin erakutsiko dira Koloniako Gamescom azokan eta Bartzelonako BCN Game Festen.

David Darnés GAME.EUSeko zuzendari exekutiboak azaldu duenez, "Europan sektoreko bi azoka garrantzitsuenetan espazio esklusibo bat izatea jauzi kualitatiboa da campusaren helburu estrategikoentzat, balio bereizgarria da, eta nabarmen igotzen ditu parte hartzen duten taldeen igurikimen profesionalak, eta aukera paregabea hautatutako bost proiektuek beren jokoak nazioarteko industriaren aurrean erakusteko".

Aurreko edizioan oinarriak birformulatu ondoren, GAME.EUSek bere ikuspegi profesionalizatzailea sendotu du garatu beharreko plataformak eta negozio-ereduak zabalduz, bai eta tokiko sorkuntzari lehentasuna emanez ere. "Hiru euskal talderen parte-hartzea pozgarria da programa publiko honen helburuetarako, Araban eta Euskal Autonomia Erkidegoan berrikuntzan eta sormenean oinarritutako ehun ekonomikoa sustatu eta sendotu nahi baitu, bideojokoaren industriaren ezaugarri diren zutabeak baitira", azpimarratu du Darnések.

Arabako Foru Aldundiak eta Eusko Jaurlaritzak bultzatutako ekimen honek, EUNEIZ Fundazioaren zuzendaritzapean, Euskadi talentu-sortzaile eta bideojokoaren industriaren bultzatzaile gisa kokatzeko ahaleginak areagotzen ditu ikuspegi berri horrekin. Saray Zarate Ekonomiaren Garapen eta Jasangarritasuneko diputatuak, Eva Eguiguren EUNEIZ Unibertsitateko errektoreak eta David Darnés GAME.EUSeko zuzendari exekutiboak gaur goizean aurkeztu dituzte aurten campusa osatzen duten bost taldeak, Itziar Redondo Eusko Jaurlaritzako Kultura Plangintzako zerbitzuburuak ere parte hartu duen ekitaldian. Programa BIC Arabak koordinatzen du eta EUNEIZ Unibertsitateak babesten du. Unibertsitatearen egoitza laugarren urtez jarraian dago kanpusean.

Ekonomiaren Garapen eta Jasangarritasun diputatu Saray Zaratek ziurtatu duenez, "argi dugu bideojokoen industriaren garapenak eragin ekonomiko handia izan dezakeela, bai eta Lurraldeko enpleguan ere, datozen urteetan. Puntako prestakuntza batek, garapen-azterlanak sortzeak eta industria horrekin lotutako enpresak erakartzeak enpresa-ekosistema dinamiko eta zirraragarria sor dezakete. Elementu horiek guztiek inbertsioak erakartzen dituzte eta enpresa teknologiko eta sortzaileen, unibertsitateen eta ikerketa-zentroen arteko lankidetza bultzatzen dute, besteak beste ".

BESTE DATU BATZUK

EUNEIZetik, Eva Eguiguren errektoreak ongietorria eman die sei astez unibertsitatean "sendotzen lagundu nahi dugun bide profesional" bateranzko lan eta prestakuntza gunea izango duten taldeei. Zentzu horretan, Eguigurenek gogorarazi du EUNEIZ Fundazioaren zeregina. Izan ere, joan den edizioaz geroztik, Fundazioak "ezagutza eta esperientzia partekatzeko" helburuarekin zuzentzen du campusa bideojokoen sektorean, eta, gainera, "talentua sortzea bultzatzen du" Araban eta, ondorioz, Euskadin, Unibertsitateak bideojokoen arloan dituen bi titulazio ofizialekin egiten duen bezala. "EUNEIZentzat oso pozgarria da bideojokoaren sektoreko prestakuntzaren eta lan-merkatuaren edo ekintzailetzaren arteko lotura izatea, gure DNAn daramagun arlo akademikoa", aitortu du.