Baiven kolektiboa izango da larunbatean Artium museoaren 'amarauna' familientzako programan

Baiven kolektiboak Mover el común izeneko lantegia eskainiko du larunbatean, ekainaren 14an, Gasteizko Artium Euskal Herriko arte garaikidearen museoak antolatutako 'amarauna' familientzako programaren baitan.

Museoko iturriek jakinarazi dutenez, amarauna egitasmoaren helburua da adinez nagusiek eta txikiek arteaz elkarrekin gozatzeko gunea sustatzea, arte hizkuntza ezberdinak uztartzen dituzten ekimenen bidez.

Bada, larunbatean, Baiven kolektiboak Mover el común aurkeztuko da museoan, "mugitzen ari diren gorputzen aukerei buruz ikertzeko espazioa", hain zuzen ere.

Jarduera aurkezteko, kolektiboak bere egin ditu Antonio Gades dantzariaren hitzak: "Dantza ez da asmatu jaun eder, dotore eta argal batek dantza dezan. Mundu guztiak du dantzatzeko eskubidea. Herriek dantzan egiten zuten, sentsazioengatik, bizitzagatik eta heriotzagatik, dantzatzen diren herriak ez direlako inoiz hiltzen".

BALORAZIOA

Maisu duten artistaren hitzei jarraituz, Baiven kolektiboak familientzako dantza topaketa proposatuko du, gorputza bera eta mugitzeko dituen aukera guztiak ikertzeko, bakarrik zein lagunartean.

Baiven kultura-bitartekaritzako kolektibo bat da, eta Mar eta Alba Saenz-Lopez Aumente ahizpek eta Maribel Ortiz Garciak osatzen dute. Dantzaren pedagogian trebatuta, esperientzien, ikuspegien, ezagutzaren eta pentsamendu kritikoaren truke horizontala sustatzen dute arte eszenikoen bidez.

Artiumek jakinarazi du urteko lehenengo seihilekoko azken 'amarauna' familia saioa izango dela larunbatekoa, eta programa uda ondoren bueltatuko dela.