Kiroletako Udal Zerbitzuak datorren urterako kiroletako dirulaguntza orokorren deialdia aurreratu du. Deialdia eta oinarri espezifikoak gaur goizean argitaratu dira Arabako Aldizkari Ofizialean eta 370.000 euroko zenbatekoa izango du. Eskaerak aurkezteko azken eguna 2024ko urtarrilaren 30a izango da.
“Dirulaguntza orokorren deialdia aurreratzearekin batera, Udaleko Kirol Zerbitzuak kirol-erakundeen eskaria beteko du. Deialdi honi esker, 2024ko jarduerak antolatzeko jasoko duten dirulaguntza ekonomikoaren zenbatekoa aldez aurretik jakin ahal izango dute”, azaldu du Ana López de Uralde Kiroletako zinegotziak.
Irabazi-asmorik gabeko elkarteei emandako dirulaguntza horien bitartez, kiroletako eta aisialdiko programak eta jarduerak antolatu eta garatu ditzaten sustatu nahi du Gasteizen.
Dirulaguntza lau taldetan dago banatuta. A taldearentzat, 183.000 euro gordeko dira guztira, eta aisialdi-kirolera, aisialdiko jarduera fisikoetarako, urteko programazioetara, kirol-jardueretara eta jarduera herrikoietara eta kirol-campusetara bideratuko dira. Prestakuntzakoak, txapelketak, lehiaketak eta memorialak. B taldeak 100.000 euro jasoko ditu, proiekzio nazionala edo internazionala duten kirol-ekitaldi handiak egiteko.
C taldearentzat 60.000 euro bideratuko dira, euskal kiroletara bideratzeko, hala nola pilotara, herri kiroletara eta Arabako bola-jokora. D taldeak, bestalde, 27.000 euro izango ditu, kirol-taldeek federazioen lehiaketa ofizialen egutegietan parte har dezaten, maila nazionalean.
