Nico Williams jokalari iruindarrak 2035. urtera arte Athletic Clubekin lotzen duen kontatu berria sinatu du San Mamesen. Lehen taldeko kontraturik luzeena da, aurretik sinatuta zuen akordioa zortzi urtez luzatuz.
Jon Uriarte presidentea, Mikel Gonzalez futboleko zuzendari nagusia eta Iñaki Williams anaia eta taldeko kapitaina izan dira ekitaldian, baita Maria Arthuer ama eta Athletic Clubeko 125. urteurreneko enbaxadorea eta bere lagunak ere.
Talde zuri-gorriak ohar batean nabarmendu duenez, "klubean inoiz nazioartean proiekzio handiena izan duen futbolariaren kontratu berritzeak bultzada handia eman dio kirol proiektuari".
"Iñakiren bideari jarraituz, 2019an 2028ra arte luzatu baitzuen bere lortura, anaia txikiaren jarraipena autoestimu kolpe bat da Athleticentzat ilusioz betetako denboraldi honetan, hamaika denboraldi geroago Txapeldunen Ligara itzuliko baita, bi futbolariek estreinakoz jokatuko duten lehiaketa", azaldu du.
Nico Williams pozik eta oso irribarretsu izan da ekitaldian, eta 'Athletic WIN' (Williams, Iñaki eta Nico) leloa oso presente egon da, Athletic Clubeko AC lerroko kamiseta berri batekin, 'WIN' kontzeptuan inspiratua "eta beste klub batzuen proposamen indartsuen aurrean talde zuri-gorriaren ereduaren garaipena islatuz".
"Anbizio handiko tituluak ditugu jokoan, Txapeldunen Liga, esaterako. Zer hobeto nire bizitzako klubarekin lehiatzea baino. Gustatuko litzaidake San Mamesen historia egiten jarraitzea, gure zaleekin eta nire familiarekin batera", esan du Nico Williamsek.
BALORAZIOA
Bere anaia Iñakiri ere eskerrak eman dizkio: "Biok beti amets egin dugu momentu honekin. Nire anaia erreferente bat da mundu guztiarentzat eta batez ere niretzat. Kapitaina izateko onena dela uste dut, eta denbora luzez besokoarekin ikusteko irrikitan nago".
"Biok beti amets egin dugu momentu honekin. Nire anaia erreferente bat da mundu guztiarentzat eta batez ere niretzat. Kapitaina izateko onena dela uste dut, eta denbora luzez besokoarekin ikusteko irrikitan nago"
Azkenik, aurrelari iruindarrak mezua helarazi dio zale zuri-gorriei: "Espero dut ahalik eta ondoen erantzutea eman didaten guztiari, nire jokoarekin harmailetan gozaraztea. Hau ere beraientzat da, beti sentitu baitut maitasun handia nirekiko. Oso harro nago daukagun zalegoarekin".
