Temporal
Euskadi activa un aviso amarillo por fuertes lluvias hasta la media tarde de este viernes
Maria Gstöttner USV Neulengbach taldeko jokalariak jasoko du Athleticen 2024ko 'One Club Woman' saria
Partida abenduaren 4aren bueltan jokatuko da
Maria Gstöttner USV Neulengbach taldeko jokalari austriarrak jasoko du Athletic Club taldeak ematen duen One Club Woman saria 2024an, Austriako ÖFB Frauen-Bundesligako lehen mailako talderik ospetsuenean egindako ibilbidea aitortuz.
Relacionadas
Talde zuri-gorriak jakinarazi duenez, jokalari austriarrak F Ligako 19. jardunaldiko Athletic Club-Real Madril partidaren hasieran jasoko du 'One Club Woman 2024' saria, San Mamesen. Partida abenduaren 4aren bueltan jokatuko da, eta ordutegia ez dago oraindik erabakita. Jardunaldi berean, Athletic Clubek 'One Club Man 2024' saria emango dio Giuseppe Bergomiri.
Maria Gstöttner One Club Woman sarien irabazleen zerrendan sartuko da horrela, Malin Moström (Umea I.K., Suedia, 2019), Pia Wunderlich (1.FFC Frankfurt, Alemania, 2020), Jennifer Zietz (1. FCC Turbine, Alemania, 2022) eta Mati Martinez (Fundacion Albacete, Espainia, OCW 2023) jokalariei gehituz.
Gstöttner 1998an hasi zen USV Neulengbach klubeko haztegiko taldeetan, 14 urte zituela.
Gstöttner 1998an hasi zen USV Neulengbach klubeko haztegiko taldeetan, 14 urte zituela. Denboraldi horretan egin zuen debuta lehenengo taldearekin, eta 24 urtez jokatu zuen bertan, 38 urterekin erretiroa hartu zuen arte, 2022ko azaroaren 5ean. Urte horietan, ÖFB Frauen-Bundesligako jokalaririk garrantzitsuenetarikoa izan zen, bai eta emakumezkoen futboleko aitzindari eta bultzatzaile handienetakoa ere, bere hirian zein herrialdean.
ÖFB Frauen-Bundesligako historiako goleatzailerik handiena da Gstöttner
ÖFB Frauen-Bundesligako historiako goleatzailerik handiena da Gstöttner, USV Neulengbach-ekin 465 partidatan 393 gol sartu ondoren. XXI. mendeko lehen hamarkadan, Gstöttnerek bere hiriko taldea urrezko arora gidatu zuen 12 liga jarraian irabaziz (lehenengoa, 2003an), eta hamar Kopa ere eskuratuz. Era berean, sei aldiz izan zen ÖFB Frauen-Bundesligako goleatzaile nagusia, 2001etik 2005era eta 2013an.
Era berean, Maria Gstöttnerek 35 alditan jantzi zuen Austriako selekzioaren elastikoa, eta 2018an Bruno sari entzutetsua jaso zuen, urteko jokalaririk onenari ematen zaiona.