'Los Williams' dokumentalaren aurrestreinaldia izango da datorren astelehenean BBK Salan

Iñaki eta Nico Williams Athleticeko futbol jokalariei buruzko Los Williams izenburuko dokumentalaren aurrestreinaldia izango da datorren astelehenean, irailaren 23an, Bilboko BBK Salan. Emanaldia 17:30an hasiko da, BBK-ko iturriek jakinarazi dutenez.

Bi futbolariek, Xabier Sagredo BBK-ko presidenteak eta Raul de la Fuente lanaren zuzendariak aurkeztuko dute bi anaien istorioa kontatzen duen dokumentala

Bi futbolariek, Xabier Sagredo BBK-ko presidenteak eta Raul de la Fuente lanaren zuzendariak aurkeztuko dute bi anaien istorioa kontatzen duen dokumentala. Amaia Remirez (Kanaki Films), Rosaura Romero eta Marias Recarte (En Cero Coma -Fremantle-) ekoizle eta gidoilariak ere egongo dira ekitaldian.

'Los Williams' dokumentalak Iñaki eta Nico Williams anaien istorioa kontatzen du

'Los Williams' dokumentalak Iñaki eta Nico Williams anaien istorioa kontatzen du. Filmak sustraiekiko lotura aztertzen du eta familia, itxaropena eta jatorrietara itzultzea bezalako gaiak jorratzen ditu, kirol bizitza eta bizitza pertsonala barne hartuta desberdintasun globalak, migrazioa eta arrazakeria jasotzen dituen kontakizunean.

Kanaki Films eta En Cero Coma (Fremantle) ekoiztetxeek egina, dokumentalak Iñaki eta Nicoren jarraipena egin zuen euren bizitzako bi urte erabakigarrienetan, eta "haien unerik intimoenetara sarbide paregabea eskaintzen du, bai arlo pertsonalean eta bai profesionalean".