Azaroaren 23an Tabakaleran izango zara ‘Zinema festa bat da’ liburua aurkezteko Ruth Pérez de Anucitarekin. Zinemaldiaren enkargu bat da, ezta?
70. urteurrena dela eta, hainbat liburu atera ditu Zinemaldiak Nosferatu bildumaren baitan eta hau izango da azkena. 70 urte horien inguruko zerbait konta-tzeko eskatu zidaten, baina ez zuten historia akademiko bat nahi. Askatasun osoa eman zidaten eta fikziozko istorio bat asmatu dut: bertan, hilda dauden Donostia Saridun guztiak Miramar jauregian elkartuko dira festa bat ospatzeko. Mamuen festa da eta bakoitza Zinemaldiko bere oroitzapenekin joango da festara, beraien arteko hika-mikekin, eta abar. Gregory Peck, Anthony Perkins eta horiek guztiak gonbidatu ditut festara zinema ospa-tzeko helburuarekin.
Mamuen festa bat da, ez ordea beldurrezko fikzio bat, ezta?
Ez, umorezkoa dela esango nuke.
Zinemaz ari garenez, zer moduz ‘Amek ez dute’ liburuaren moldaketarekin?
Prozesuan dago, baina zineman dena oso astiro joan ohi da. Proiektua martxan dago eta errodajea datorren urtean egitea da asmoa. Mar Coll kataluniarra izango da zuzendaria. Nik dakidala, dena ondo doa. Pazientzia eskatzen didate (barreak).
