- EH Bildu Araba ba-tzarkide taldeak Kontzejuen Foru Araua genero perspektibatik aztertzea eta eguneratzea eskatu du mozio bidez, kontzejuen administrazio batzarretan emakumeen parte-hartzea sustatzeko. Hala, aurkeztutako mozioan Kontzejuen Foru Araua EAEko Emakumeen eta Gizonen arteko Berdintasunerako 4/2005 Legean ezarritakoari egokitzea eskatu dute, eta Arabako Foru Aldundiari eskatzen diote elkarlanean jardun dezala Arabako Toki Erakundeekin, landa ermuko emakumeen beharrak eta proposamenak jaso daitezen arauaren testu berrian. Joan den asteko Kontroleko Osoko Bilkuran Amaia Andrieu EH Bilduren batzarkideak Ramiro Gonzalez diputatu nagusia interpelatu zuen gai horren harira, eta bertan azaldu zuen eskaria.
