Síguenos en redes sociales:

Bi gazte axilotu dituzte indarrez lapurtzeagatik

Atxilotuek ustez herritar bati laban batekin eraso egin zioten lapurtzeko Laudio Plazan, Gasteizen

- E. F. D.

28·10·20 | 03:00 | Actualizado a las 06:39

- Ertzaintzak 20 urteko bi gazte atxilotu zituen astelehenean, indarkeriaz egindako lapurreta egotzita.

Gertakariak ostiralean izan ziren, 18:45ean, Laudio Plazan. Ordu horretan, euskal poliziak gizon baten deia jaso zuen, lapurreta bat jasan zuela eta labana batekin birritan eraso ziotela esanez. Hori dela eta, laguntza medikoa ere eskatu zuen, zauria nabarmen odoletan zegoelako. Bertaratu ziren agenteek egiaztatu zuten biktimak hainbat zauri zituela sabelean. Biktimak ertzainei kontatu zien bertsioan, bi gazte kalean hurbildu zitzaizkiola azaldu zuen, lapurtzeko asmoz. Une jakin batean, biktimak ezezkoa eman ondoren, borroka bat izan zen hiruren artean, eta atxilotuetako batek ustez labana sartu zion hainbat alditan odoljarioa eraginez, Eusko Jaurlaritzako Segurtasun Sailak jakinarazi zuenez.

Kontakizun horren ostean, Ertzaintzak ikerketa bat hasi zuen, eta astelehenean bi gazteak atxilotu zituen, arma zuriz indarkeria erabiliz lapurreta egitea egotzita.