- Koronabirusak kalte handiak eragiten ari du. Milaka heriotzei bigarren pandemia deiturikoa bizi izan duten emakume eta haurren egoera gehitu behar zaie. Eta ondorioak ez dira hor amaitzen. Hori da, gutxienez, ateratako ondorioa Oraingo Erronka: gazteak Gazte Plan Berezia txostenean.
"Covid-19k sortutako egoerak biztanleria orokorraren baldintzak okertu ditu, baina eragin handiena gazteengan gertatzen da. Pandemiaren aurretik ezegonkortasun ekonomiko egoeran zeuden baina orain ezegonkortasun hori areagotu egin da", diote txostenean. Hau da, txosten horren arabera, gazteen egoerak okerrera egingo du koronabirusaren ostean. "Gazte asko lana galtzeko beldur dira, beste batzuek jada galdu egin dute eta pandemiaren aurretik langabezian zeudenek uste dute orain zailagoa izango dela kalitatezko enplegua lor-tzea", gaineratu dute.
Diotenez, laneko ezegonkortasun eta ziurgabetasun horrek zuzenean eragiten du beste eremu batzuetan, hala nola etxebizitza eskura-tzean. Badira Eusko Jaurlaritzaren lagun-tzak, GazteLagun esaterako, eta covid-19aren aurrean sortutako salbuespenezkoak, baina alokairu eskuragarriagoak "beharrezkoak" dira, gazte askok ezin dituztelako laguntzak jaso gutxieneko diru-sarreretara ez iristeagatik edo, laguntzarekin ere, "alokairu libreen prezioa oso altua delako", azaldu dute.
Bestalde, "prestakuntzaren arloan, kontsultak egin dira goi-mailako ikasketetarako eta hizkuntzetarako prestakuntza-bekekin lotuta. Gazteek prestakuntza jasotzen jarraitu nahi dute, kalitatezko enplegua lor-tzeko, baina, kasu askotan, zaila ikusten dute horrek dakarren ordainketagatik", azpimarratu dute. Aipatutako guztiaz gain, koronabirusak eragin negatiboa izan du gazteenen eragin psikologikoan ere.
"Gazteen osasun psikologikoari dagokionez, konfinamenduak hasieran zuten zailtasuna edo arazoa larriagotzea edo areagotzea lortu du, isolamendu-egoeraren ondorioz, antsietate handiagoa eraginez eta haien ongizateaz arduratzeko zailtasunak eraginez. Gainera, lagunekin eta beste pertsonekin harremanetan jartzeko zailtasunak zituzten pertsonek ezinegona arintzea lortu dute, eta erosotasun gune batean aurkitu dira etxean. Hala ere, beste gazte batzuek indarguneak eta puntu positiboak aurkitu dituzte", nabarmendu dute.
"Covid-19k sortutako egoerak biztanleria orokorraren baldin-tzak okertu ditu, baina eragin handiena gazteengan gerta-tzen da. Pandemiaren aurretik ezegonkortasun ekonomiko egoeran zeuden baina orain ezegonkortasun hori areagotu egin da", diote txostenean. Txosten horren arabera, gazteen egoerak okerrera egingo du koronabirusak sortutakoaren eraginez.
