erkataritza-jarduerak edo antzekoak irekitzeari buruz. Ireki dezakete? Ertzaintzak galdera horri eta beste askori eman zien erantzuna atzo, kalean egon daitezkeen eta atera ezin diren pertsonak nortzuk diren argitzeko. Premisa gisa, sektore guztietan dago baimenduta lan-jarduera, eta ezin dira jendearentzat ireki txikizkako lokal eta establezimenduak, salbuespenak salbuespen.
Ireki ditzaketen lokal komertzialei dagokienez, Eusko Jaurlaritzako Segurtasun Sailetik argitu zuten atzo zeintzuk ireki ditzaketen: janari eta edari dendak, farmaziak, osasun-zentroak, optikak, ortopediak, higiene-produktuen dendak, prentsa eta paper dendak, gasolindegiak, estankoak, teknologiako eta telekomunikazioetako produktuen dendak, etxeko animalientzat janaria saltzen dutenak, Internet, telefono edo posta bidezko merkataritza-dendak, tindategiak, arropa-garbitegiak eta albaitaritza-klinikak, ibilgailuak alokatzeko enpresak, banku-erakundeak, notarioak, aholkularitzak eta aseguru-erakundeak. Gainera, etxez etxeko salmenta bakarrik dago berariaz baimenduta. Establezimenduetan bertan prestatutako janaria kontsumitzea debekatuta dagoela ere azaldu zuen. Gauza bera gertatzen da okindegiekin. Baimenduta dute freskagarriak saltzea, baldin eta etxebizitzetan kontsumitzeko badira. Ile-apaindegiek ere ez dute irekitzeko baimenik, mugikortasun urriko pertsonei laguntzeko bakarrik egin ahal izango dute beren lana etxeetan. Eta mintzalekuek soilik transakzio ekonomikoak egin ahal izango dituzte.
Asteroko merkatuei dagokienez, Ertzaintzak atzo argitu zuen baimenduta dagoela horiek irekitzea, betiere alarma-egoeran ezarritako arauak errespetatzen jarraitzen bada. Nutrizio-establezimenduak ere irekita egon daitezke, baldin eta behar-beharrezko produktuak saltzeko badira, hala nola zeliakoentzako elikagaiak. Hotelak, apartahotelak eta landa-etxeak irekitzeari buruz, “turismo-ostatu jakin batzuen antean, funtsezko zerbitzu izendatu dira, langileei ostatu-zerbitzua emateko”, erantzun zuten.
Horren harira, autoz zein kasutan joan daitekeen eta zein kasutan dagoen debekatuta ere argitu nahi izan zuen Ertzaintzak. Pertsona bat ibil al daiteke bide publikoetan?. Pertsonek honako kasu hauetan zirkulatu ahal izango dute bide edo eremu publikoetatik: “Elikagaiak, produktu farmazeutikoak eta behar-beharrezkoak direnak erosteko; osasun zentro, zerbitzu eta establezimenduetara joateko; lantokira joateko, lan egitera edo jarduera profesionala edo enpresariala egitera; ohiko bizilekura itzultzeko; adinekoei, adingabeei, mendekoei, desgaitasuna duten pertsonei edo bereziki ahulak diren pertsonei laguntzeko eta zaintza emateko; finantza- eta aseguru-erakundeetara joateko; Ezinbesteko kausagatik edo premia-egoeragatik edo antzeko beste jarduera batzuk egitek”.
Hala ere, oinez egiten diren desplazamendu horiek banaka egin beharko dira, desgaitasuna duten pertsonei laguntzeko edo bestelako arrazoi justifikatu batengatik ez bada. “Hala ere, desplazamenduak ahalik eta gehien mugatu behar dira”, adierazi zuten Segurtasun sailetik. Bestalde, mendekotasuna duten familiartekoak bisitatu al daitezke, beti ere zaintza edo laguntzeko baldin bada. “Bizi garen eraikineko eremu komunetan (patioan, lorategian, eskaileretan?) egon al naiteke?”, galdera honi ezetz erantzun zuten,erabilera komunitarioko eremu pribatuak direlako.
