Azkuna Zentroaren Zinemaketak Fritz Langen filmografia berrikusiko du bere aro amerikarrari buruzko zikloarekin

Bilboko Udalaren Azkuna Zentroa-Alhondiga Bilbaoren Zinematekak 'Fritz Lang Amerikan' antolatu du, Vienan jaiotako zinemagilearen etapa amerikarra ardatz duen filmografia berrikusiko duen zikloa. Guztira, zazpi film proiektatuko dira astearte eta ostegunetan, apirilaren 21etik ekainaren 11ra bitartean.

Azkuna Zentrotik jakinarazi dutenez, programarako hautatutako zazpi lanekLangen filmografian errepikatzen diren gai batzuetan sakontzen dute, pertsonak duen hauskortasun morala sistemaren aurrean. "Diktadura batean, egunkari baten erredakzioan, harreman sentimental batean zein prozesu judizial batean egon, beren filmetako protagonistak mugitzen diren unibertsoan, egia nahasgarria da eta justizia zalantzazkoa", azaldu dute.

Nazismotik ihesi, Langek lurralde berri bat aurkitu zuensorkuntza lantzeko AEBetan eta Hollywooden. Hogei film baino gehiago zuzendu zituen bertan, bere burua berrasmatu zuen, eta krimen eta zinema beltzaren oinarriak ezarri zituen.

'Fritz Lang Amerikan' zikloa apirilaren 21ean hasiko da, 'Metropolis' filmarekin, eta ondoren etorriko dira 'Hangmen Also Die!' (apirilak 28 eta 30), 'Scarlet Street' (maiatzak 5 eta 7), 'Rancho Notorious' (maiatzak 19 eta 21), 'Clash by Night' (maiatzak 26 eta 28), 'While the City Sleeps' (ekainak 2 eta 4) eta 'Beyond a Reasonable Doubt' (ekainak 9 eta 11).

Zikloarekin lotuta, Azkuna Zentroaren Mediatekako 'Zinemako Elkarrizketak' programazioak Langen figura izango du ardatzmaiatzaren 19ko saioan, 'Scarlet Street' lanaren bidez. Filmak ondoen islatzen duespresionismo alemaniarraren eta Hollywoodeko zinema beltzaren narratibaren fusioa.