Derioko Udal Kiroldegiak irailaren 1etik 14ra irekiko du 2025-2026 kirol ikastaroetan izena emateko epea (abonatu zein ez abonatuentzat). Aurten ere, ur eta lurrezko jarduera fisiko gidatuen programazio zabala izango da, helduentzat zein txikientzat.

Udalak jakinarazi duenez, jarduera gidatuen programa mantenduko dute, hala nola igeriketa ikastaroak, aquagym eta igeriketa eskola martxan izango dira. Horiez gain, pilates, zumba, yogalates, adinekoentzako gimnasia, aerogap, TRX, full body, spinning, body hit, high training... bezalako ikastaroak ere eskainiko dira, besteak beste.

Ikastaroen funtzionamendu onak eta kirolarien gogobetetasunak ikasturte honetan aldaketa gutxi egotea eragin dute. Nobedade nagusia, astelehenean eta asteazkenan goizez pilates saioak eskaintzea izan da.

Izena ematea Derioko Udalaren webgunean izango da. Abonatuek lehentasuna izango dute plazen zozeketan eta Kirol Txartelarekin ere abantailak izango dituzte. Zerrendak DUKeko iragarkien taulan eta Udalaren webgunean argitaratuko dira.

BESTE GAI BATZUK

Bestalde, Larunbat honetan, abuztuaren 30ean, Lantziego udalerriak omenaldi bat egingo dio bere ardoei. Lantziegoko "vignerone"ak publikoari irekitako jardunaldi bat prestatu dute, esperientzia enologikoak, sektorearen etorkizunari buruzko hausnarketa eta upeltegien onena dastatzeko aukera uztartuz.

Lantziegoko Udalak jakinarazi duenez, eguneko egitaraua 12.00etan udalerriko zazpi ardo onenen aukeraketarekin hasten da, 'Dastatze komentatua', Beatriz López eta Pilar Cavero sommelier ospetsuek gidatua. 20 euroko prezioarekin (dastaketa herrikoia barne), ezinbestekoa da Whatsapp bidez erreserbatzea (629 95 12 10).