Done Laurendiko ohiko erromeria egingo da hilaren 10ean Valderejoko parke naturalean

Datorren igandean, abuztuaren 10ean, Valderejoko parke naturalak Done Laurendiko ohiko erromeria hartuko du. Ekitaldi horrek Gaubeako eta Losako haraneko bizilagunak eta natura ingurune apart horretako hainbat bisitari biltzen ditu urtero. Ospakizun hori 90eko hamarkadan berreskuratu zuten, parkea naturagune babestu izendatu ondoren, eta ehunka pertsona erakartzen dituen urteko hitzordu gisa finkatu da.

Arabako Foru Aldundiko Ekonomia Garapenaren eta Jasangarritasunaren Sailak antolatutako jai ekitaldia 11:00etan hasiko da, Anderejoko mendilerroaren ebakiduraren ertzean kokatuta dagoen Done Laurendi ermitara igota, ohitura denez. 

EKITALDIA

Hala, eta ildo horretatik jarraituz, mugikortasun urriko pertsonentzat 4x4 ibilgailuen zerbitzua egongo da, baina aldez aurretik erreserba egin behar da. Argibideak eta izen emateak: 945 35 31 46 telefonoan edo parquevalderejo@parques.araba.eus helbidean.

Gainera, ildo beretik, Arabako Foru Aldundiatik azpimarratu duten bezala, "12:00etan meza izango da", azaldu dute. Ondoren, "txorizo opilak eta freskagarriak banatuko dira bertaratutakoen artean, Gesaltzako bandak jotzen duen bitartean. Tokiko produktuen zozketa herrikoia ere egongo da", gaineatu dute prentsa-ohar baten bitartez Arabako Foru Aldundiatik berriki.

Lalastrara jaitsi ondoren, food trucck-ek eskainitako askotariko eskaintza gastronomikoaz gozatzeko aukera izango dute bertaratuek.Arratsaldean, Done Laurendiko XXVII. bola txapelketa eta haurrentzako jarduerak egongo dira, egitaraua osatzeko.