Merkataritza sektorearen salmentak %0,1 gehitu dira 2024an EAEn

Gainera, Eustat euskal estatiustika erakundearen datuen arabera, handizkako eta txikizkako merkataritzak eta motordun ibilgailuen salmenta eta konponketa barne hartzen dituen sektorearen landunak %1,7 gehitu dira.

Bilakaera positiboa izan da motordun ibilgailuen salmenta eta konponketan eta Txikizkako merkataritzan, %8,8ko eta %2,9ko igoerekin, hurrenez hurren; handizkako merkataritzaren sektorean, aldiz, salmentak %2,9 jaitsi dira 2024an.

Lurralde historikoei dagokienez, merkataritza sektorearen salmentak %0,9 gehitu dira Gipuzkoan, eta %1,0 eta %0,1 gutxitu Araban eta Bizkaian, hurrenez hurren.

Iazko laugarren hiruhilekoari erreparatuta, merkataritzaren salmentak %1,3 gehitu dira EAEn 2023ko laugarren hiruhilekoaren aldean, eta aurreko hiruhilekoarekin alderatuta, dagozkion urtaro eraginak kenduta, urteko azken hiruhilekoko salmenten hazkundea %0,8koa izan da.

Merkataritzaren barruan, salmenten urte arteko bilakaera positiboa izan da 2024ko azken hiruhilekoan motordun ibilgailuen salmenta eta konponketaren sektorean eta txikizkako merkataritzan, %5,1eko eta %4,0ko hazkundeekin, hurrenez hurren; handizkako merkataritzaren sektorean, aldiz, salmentak % 1,1 murriztu dira aurreko urteko laugarren hiruhilekoaren aldean.

Hirugarren hiruhilekoarekin alderatuta, salmentak igo egin dira hiru azpisektoreetan: %2,6 motordun ibilgailuen salmenta eta konponketan, %0,8 handizkako merkataritzan eta %0,6 txikizkako merkataritzan.

EAEko hiru lurralde historikoetan izan dira positiboak salmentak urteko laugarren hiruhilekoan, aurreko urteko hiruhileko beraren aldean: Gipuzkoan salmentak %1,6 gehitu dira, Bizkaian %1,5 eta Araban %0,1. Aurreko hiruhilekoaren aldean, salmentak %1,8 gehitu dira Bizkaian, eta Araban eta Gipuzkoan, berriz, %0,7 eta %0,1 jaitsi dira, hurrenez hurren.

Azkenik, EAEko merkataritza sektorearen landunen indizea %0,7 igo da urte artean 2024ko azken hiruhilekoan, eta %0,3 jaitsi da hiruhileko artean.