"Verter Recyclingek zor bat dauka gizartearekin, eta zorrak ordaindu behar dira"
Bingen Zupiriak Zaldibarko zabortegiko kudeatzaileak bere erantzunkizuna bete beharko duela defendatu du
"Verter Recyclingek zor bat dauka gizartearekin eta zorrak ordaindu egin behar dira". Hala adierazi du Bingen Zupiriak Euskadi Irratian ostegun honetan, enpresak abiatutako likidazio faseari aipamena eginez. Eusko Jaurlaritzako bozeramaileak Lakuak enpresaren desagerpenari buruz komunikaziorik jaso ez duela aitortu ondoren, gobernuak zabortegian egindako egonkortze lanetan ia 30 milioi euro gastatu dituela gogorarazi du.
Horregatik, enpresak likidazio fasea abiatu edo ez, Verter Recyclingek gizartearekin "zor bat" duela azpimarratu du: "Dirutza bat erabili da Zaldibarko zabortegia behin betiko ixteko, eta zorrak zorrak dira eta ordaindu behar dira", defendatu du.
Gainera, oraindik ere auzibide bat zabalik dagoela gaineratu du Zupiriak: "epaileek zeresana izango dute".
30 milioi euro
Eusko Jaurlaritzak 30 milioi euro inguru gastatu ditu Zaldibarko zabortegian, otsailaren 6an hondakindegiaren egonkortasuna bermatzeko eta lurperatuta geratu ziren bi langileak, Joaquin Beltran eta Alberto Sololuze, bilatzeko. Izan ere, Zaldibarko zapor jauzia igaro ostean, Eusko Jaurlaritzak modu subsidiarioan hartu zuen bere gain lan horiek zuzentzeko, kontratatzeko eta gauzatzeko ardura, baina Verter Recycling enpresak hartuko ditu bere gain, zabortegiaren jabea eta arduraduna delako.
Temas
Más en Sociedad
-
Ikasle Abertzaleak convoca acampadas por Palestina en los campus del País Vasco y Navarra
-
Detenido un menor al usar en una red social un programa de IA y manipular unas fotos de una conocida en Palma
-
El Gobierno vasco defiende que las familias numerosas son "la garantía del futuro y transmisoras de valores humanos"
-
Minbiziaren biziraupen tasak gora egin du azken urteetan