2015eko Kilometroak jaiak badu dagoeneko bideoklipa. Herriko hainbat bideogileren artean osatu dute, eta dozenaka herritar aktore lanetan aritu dira. Aurkezpena egiteko, Potxoenea kultur etxean bildu dira Mariaje Imaz Udarregi Ikastolako zuzendaria, Eñaut Telleria Ikastolen Elkarteko ordezkaria, Joseba Larratxe eta Juan Luis Izeta bideoklipa ekoiztu duten lagunetako bi eta bideoklipak islatzen dituen baloreen ordezkari bana: Garazi Lizaso (parekidetasuna), Mikel Usabiaga (jasangarritasuna) eta Begoña Izeta (inklusibitatea).
