Unibertsitatez besteko mailetarako euskarazko ikasmaterialak ekoizteko 985.000 euro banatuko ditu Jaurlaritzak

Unibertsitatez besteko hezkuntza mailetan euskarazko ikasmaterialak ekoizteko diru laguntzetarako deialdia egiten duen agindua onartu du astearte honetan Eusko Jaurlaritzako gobernu kontseiluak (EIMA Euskarazko Ikas Materialgintza programa), eta guztira 985.000 euro banatuko ditu.

Eusko Jaurlaritzaren arabera, material didaktikoak funtsezkoak dira hezkuntza eredu pedagogikoa garatzeko eta, ildo horretan, EIMA deialdiaren helburua da curriculum araudian xedatutakora egokitutako kalitatezko material didaktikoak babestea.

Bada, hiru modalitatetan euskarazko ikasmaterialak sortzeko diru laguntzak emango dira: euskaraz inprimatutako eskola materialen edizio kostuetarako, 'EIMA Digitala' euskarazko eskola material digitalen sorkuntza kostuetarako, eta EIMA 4 euskaraz inprimatutako ikasmaterialak sortzeko.

DOKUMENTAZIO ZENTROA

Hala, eta ildo horretatik jarraituz, EIMA Euskarazko Ikas Materialgintza dokumentazio zentroak 20 urte daramatza euskarazko ikasmaterialak bildu eta katalogatzen ditu, eta gaur egun 38.055 material ditu katalogatuta.

Ildo beretik jarraituz, bertatik azpimarratu dutenez, katalogoaren egoitzan edo webgunean kontsulta eta eskuratu daitezke azken bi hamarkadetan sortu diren eta irakasleen eta ikastetxeen eskura dauden curriculum baliabideak (testuliburuak, material didaktikoak, irakurgaiak) edo irakaskuntzarako material osagarriak (bideoak, aplikazioak, monografiak, jolasak, literatura-lanak), ondorioztatu dute azkenik prentsa-ohar baten bitartez Eusko Jaurlaritzatik.