Gipuzkoako Aldundiko Mugikortasun, Turismo eta Lurralde Antolaketako Sailak oniritzia eman dio Donostialdeko Erregimen Bereziko Eremua sortzeari, eta horrela, Pasaia, Errenteria, Oiartzun, Lezo, Astigarraga, Hernani, Usurbil, Andoain, Lasarte-Oria eta Urnietako 118 taxik Donostian ere eman ahal izango dute zerbitzua astelehen honetatik, abenduaren 30etik, hiriburuko 308 taxiekin batera.
Foru erakundetik erakundeek jakinarazi dutenez, udalek aurkeztutako dokumentazioa aztertuta ondorioztatu da Donostialdeko Erregimen Bereziko Eremua martxan jartzeak ez diola kalterik egiten kasuan kasuko udalerrietan zerbitzua ematen duen taxi zerbitzu publikoari, eta, beharrezko izapide administratiboak bete ondoren, Donostialdeako Erregimen Bereziko Eremua baimendu da.
"Donostialdeko Erregimen Bereziko Eremua astelehenean baimenduta geratuko da. Gai hori lehentasunezkoa izan da nire departamentuarentzat azken asteotan, eta ahalik eta azkarren lan egin dugu urtea amaitu baino lehen baimenduta izateko. Espero dugu Erregimen Bereziko Eremu hau indarrean sartzearekin gaur egun Gipuzkoako hiriburuan dauden taxiarazoak arinduko direla", esan dute.
Era berea, gogorarazi dute espedientea abuztuaren 14an sartu zela Gipuzkoako Aldundian, eta hilabete horretan bertan udal guztiei eskatu zitzaiela aurkeztutako informazioa zabaltzeko, eremu berria beren herritarrei ematen zaien zerbitzuaren kalterako ez zela egiaztatzeko.
Gipuzkoako Aldundiko Mugikortasuneko, Turismoko eta Lurralde Antolaketako Sailak duela aste gutxi jaso du dokumentazio osoa. Orduz geroztik, epe guztiak azkartu dira Donostialdeko Erregimen Bereziko Eremua aurten bertan baimentzeko.
Beste alde batetik, Donostiako Udaleko iturriek azpimarratu dute eremuak "onura handia" ekarriko diola eskualde osoko taxi zerbitzuari, "eskaera handieneko uneetan eskaintza nabarmen handituko baitu, dauden lizentziak modu eraginkorragoan erabiliz".
Udaletik eskerrak eman nahi izan dizkiete erakundeetako arduradunei, teknikariei eta taxien sektoreari ekimena aurrera ateratzekoan izan duten inplikazioagatik, "bidean izan diren ustekabeak gorabehera". "Ziur gaude lan komun horri esker herritarrek hobekuntza handia lortuko dutela zerbitzuan", gaineratu dute.
